2015 جىلعى 29 جەلتوقسان, استانا, ۇكىمەت ءۇيى
قازاقستان رەسپۋبليكاسى ۇكىمەتىنىڭ كەيبىر شەشىمدەرىنە وزگەرىستەر مەن تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان قازاقستان رەسپۋبليكاسى ۇكىمەتىنىڭ كەيبىر شەشىمدەرىنە ەنگىزىلەتىن وزگەرىستەر مەن تولىقتىرۋلار بەكىتىلسىن.
2. وسى قاۋلى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى
ك.ءماسىموۆ
قازاقستان رەسپۋبليكاسى ۇكىمەتىنىڭ 2015 جىلعى 29 جەلتوقسانداعى
№1119 قاۋلىسىمەن بەكىتىلگەن
قازاقستان رەسپۋبليكاسى ۇكىمەتىنىڭ كەيبىر شەشىمدەرىنە ەنگىزىلەتىن وزگەرىستەر مەن تولىقتىرۋلار
1. «كەيبiر نۇسقاۋلىقتاردى بەكiتۋ تۋرالى» قازاقستان رەسپۋبليكاسى ۇكىمەتىنىڭ 2001 جىلعى 31 قاڭتارداعى № 168 قاۋلىسىندا:
كورسەتىلگەن قاۋلىمەن بەكىتىلگەن قازاقستان رەسپۋبليكاسى پرەمەر-ءمينيسترىنىڭ كەڭسەسىندە, ورتالىق جانە جەرگىلىكتى اتقارۋشى ورگانداردا قۇجاتتاردىڭ ورىندالۋىن باقىلاۋدى ۇيىمداستىرۋ جونىندەگى نۇسقاۋلىقتا:
مىناداي مازمۇنداعى 7-2-تارماقپەن تولىقتىرىلسىن:
«7.2. قازاقستان رەسپۋبليكاسى پرەمەر-ءمينيسترىنىڭ, ونىڭ ورىنباسارلارىنىڭ, قازاقستان رەسپۋبليكاسىنىڭ پرەمەر-ءمينيسترىنىڭ كەڭسەسى باسشىسىنىڭ (ونىڭ مىندەتتەرىن اتقارۋشى ادامنىڭ) «نازارعا الىندى» دەگەن بەلگىسى بار جوسپارلى ەسەپتىك اقپارات بويىنشا تاپسىرمالارى باقىلاۋعا الىنۋعا جاتپايدى.».
2. «نورماتيۆتىك قۇقىقتىق اكتىلەردى رەسىمدەۋ جانە كەلىسۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2006 جىلعى 16 تامىزداعى № 773 قاۋلىسىندا (قازاقستان رەسپۋبليكاسىنىڭ ءپۇاج-ى, 2006 ج., № 30, 326-قۇجات):
كورسەتىلگەن قاۋلىمەن بەكىتىلگەن نورماتيۆتىك قۇقىقتىق اكتىلەردى رەسىمدەۋ جانە كەلىسۋ قاعيدالارىندا:
38-تارماق مىناداي رەداكتسيادا جازىلسىن:
«38. نورماتيۆتىك قۇقىقتىق اكتىنىڭ جوباسى مەملەكەتتىك ورگانداردىڭ كۋالاندىرۋشى ورتالىعىنىڭ ەلەكتروندىق تسيفرلىق قولتاڭباسىن (بۇدان ءارى – موكو ەتسق) پايدالانا وتىرىپ, مەملەكەتتىك ورگاننىڭ ءبىرىنشى باسشىسىنىڭ نە ونىڭ مىندەتىن اتقارۋشى ادامنىڭ قولى قويىلعان جانە مەملەكەتتىك ورگانداردىڭ ينترانەت-پورتالى (بۇدان ءارى – مويپ) ارقىلى بەرىلگەن ەلەكتروندىق قۇجات نىسانىنداعى ىلەسپە حاتپەن كەلىسۋگە ۇسىنىلادى.»;
40-تارماق مىناداي رەداكتسيادا جازىلسىن:
«40. قازاقستان رەسپۋبليكاسىنىڭ زاڭناماسىندا نورماتيۆتىك قۇقىقتىق اكتىنى مىندەتتى تۇردە كەلىسۋ كوزدەلگەن جاعدايدا, سونداي-اق وندا باسقا مەملەكەتتىك ورگاندارعا قاتىستى ەرەجەلەر, نورمالار مەن تاپسىرمالار قامتىلسا, مۇنداي نورماتيۆتىك قۇقىقتىق اكتىنىڭ جوباسى ءتيىستى مۇددەلى مەملەكەتتىك ورگاندارمەن مەملەكەتتىك ورگاننىڭ ءبىرىنشى باسشىسىنىڭ نە ونىڭ مىندەتىن اتقارۋشى ادامنىڭ موكو ەتسق پايدالانىلا وتىرىپ, مويپ ارقىلى ەلەكتروندىق قۇجات نىسانىندا الدىن الا كەلىسۋگە جىبەرىلۋى مۇمكىن.
بۇل رەتتە, نورماتيۆتىك قۇقىقتىق اكتىنىڭ جوباسى بارلىق مۇددەلى مەملەكەتتىك ورگاندارعا ءبىر مەزگىلدە ءبىر ىلەسپە حاتپەن كەلىسۋگە جىبەرىلەدى.»;
41-تارماقتىڭ ءۇشىنشى بولىگى مىناداي رەداكتسيادا جازىلسىن:
«نورماتيۆتىك قۇقىقتىق اكتىنىڭ جوباسىنا ەسكەرتۋلەر بولعان كەزدە, قاجەتتىلىگىنە قاراي ونى ازىرلەگەن ورگان پىسىقتايدى, ودان كەيىن ازىرلەۋشى ورگان مويپ-دا مەملەكەتتىك ورگان باسشىسىنىڭ نە ونىڭ ورىنباسارىنىڭ موكو ەتسق قويىلعان جوبانىڭ پىسىقتالعان نۇسقاسىن ورنالاستىرادى جانە ونى مۇددەلى مەملەكەتتىك ورگاندارعا كەلىسۋگە قايتا جولدايدى.»;
42-تارماق مىناداي رەداكتسيادا جازىلسىن:
«42. نورماتيۆتىك قۇقىقتىق اكتىنى مەملەكەتتىك ورگانداردا تۇپكىلىكتى كەلىسۋ مەرزىمى بەس جۇمىس كۇنىنەن, ال كەلىسۋشى مەملەكەتتىك ورگان باسشىسىنىڭ موكو ەتسق پايدالانىلا وتىرىپ, بۇرىشتاما قويۋ مەرزىمى ءۇش جۇمىس كۇنىنەن اسپاۋعا ءتيىس, بۇل رەتتە مەرزىمدەر وسى مەملەكەتتىك ورگانعا نورماتيۆتىك قۇقىقتىق اكت تۇسكەن كۇننەن باستاپ ەسەپتەلەدى.»;
44 جانە 45-تارماقتار مىناداي رەداكتسيادا جازىلسىن:
«44. نورماتيۆتىك قۇقىقتىق اكتىنى قاراۋ قورىتىندىلارى بويىنشا كەلىسۋشى ورگان مويپ ارقىلى ءازىرلەۋشىگە ءبىرىنشى باسشىنىڭ نە ول بولماعان جاعدايدا ونىڭ مىندەتىن اتقارۋشى نە باسشىنى الماستىراتىن ادامنىڭ موكو ەتسق-مەن كۋالاندىرىلعان جاۋاپتىڭ مىناداي نۇسقالارىنىڭ ءبىرىن ۇسىنۋعا ءتيىس:
1) نورماتيۆتىك قۇقىقتىق اكت ەسكەرتۋلەرسىز كەلىسىلدى ء(بىرىنشى باسشىنىڭ نە ونىڭ مىندەتىن اتقارۋشى ادامنىڭ موكو ەتسق-مەن كۋالاندىرىلعان);
2) نورماتيۆتىك قۇقىقتىق اكتىنى كەلىسۋدەن باس تارتىلدى (دالەلدەنگەن باس تارتۋدى قوسا بەرە وتىرىپ, ءبىرىنشى باسشىنىڭ نە ونىڭ مىندەتىن اتقارۋشى ادامنىڭ موكو ەتسق-مەن كۋالاندىرىلعان).
ەگەر اكت بويىنشا ەسكەرتۋلەر بولعان, ولار جويىلسا, اكتىنى كەلىسۋگە بولاتىن جاعدايلاردا, بۇل ەسكەرتۋلەر مويپ ارقىلى ەلەكتروندىق نىساندا جازىلادى, ءبىرىنشى باسشىنىڭ نە ول بولماعان جاعدايدا ونىڭ مىندەتىن اتقارۋشى ادامنىڭ موكو ەتسق-مەن كۋالاندىرىلادى, وندا ەسكەرتۋلەردى جويۋ بويىنشا ۇسىنىستار مىندەتتى تۇردە قامتىلۋعا ءتيىس.
45. جوبا مويپ ارقىلى كەلىسىلگەننەن كەيىن نورماتيۆتىك قۇقىقتىق اكت جوباسىنىڭ قاعاز جەتكىزگىشتەگى تولنۇسقاسىن تۇپكىلىكتى كەلىسۋ كەلىسۋشى مەملەكەتتىك ورگاننىڭ ءبىرىنشى باسشىسىنىڭ نە ول بولماعان جاعدايدا, ونىڭ مىندەتىن اتقارۋشى ادامنىڭ بۇرىشتاماسىمەن رەسىمدەلەدى جانە مەملەكەتتىك ورگاننىڭ ءبىرىنشى باسشىسىنىڭ مىندەتىن ۋاقىتشا اتقارۋ تۋرالى بۇيرىقتىڭ كوشىرمەسىن قوسا بەرە وتىرىپ, مورمەن كۋالاندىرىلادى.».
3. «قازاقستان رەسپۋبليكاسى ورتالىق مەملەكەتتىك ورگانىنىڭ ۇلگى رەگلامەنتىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 26 ناۋرىزداعى № 289 قاۋلىسىندا:
كورسەتىلگەن قاۋلىمەن بەكىتىلگەن قازاقستان رەسپۋبليكاسى ورتالىق مەملەكەتتىك ورگانىنىڭ ۇلگى رەگلامەنتىندە:
13-تارماق مىناداي رەداكتسيادا جازىلسىن:
«13. مەملەكەتتىك ورگانداردان قاعاز جانە ەلەكتروندىق جەتكىزگىشتەردە كەلىپ تۇسكەن قۇجاتتار بىرتەكتى جانە بەلگىلەنگەن ۇلگىدەگى ءتيىستى ەلتاڭبالىق بلانكىدە مەملەكەتتىك تىلدە رەسىمدەلۋگە ءارى مىناداي مىندەتتى دەرەكتەمەلەردى:
شىعىس ءنومىرىن جانە كۇنىن;
2) قازاقستان رەسپۋبليكاسى پرەزيدەنتىنىڭ, قازاقستان رەسپۋبليكاسىنىڭ پرەزيدەنتى اكىمشىلىگىنىڭ, قازاقستان رەسپۋبليكاسى پارلامەنتىنىڭ, قازاقستان رەسپۋبليكاسى پارلامەنتى پالاتالارىنىڭ, قازاقستان رەسپۋبليكاسى ۇكىمەتىنىڭ جانە قازاقستان رەسپۋبليكاسى پرەمەر-ءمينيسترىنىڭ, ونىڭ ورىنباسارلارىنىڭ, قازاقستان رەسپۋبليكاسى پرەمەر-ءمينيسترىنىڭ كەڭسەسى باسشىسىنىڭ جانە ونىڭ ورىنباسارلارىنىڭ ءتيىستى اكتىلەرى مەن تاپسىرمالارىنا سىلتەمەنى, سونداي-اق مەملەكەتتىك ورگاننىڭ ساۋالىنا جاۋاپ بەرگەن كەزدە ونىڭ ءنومىرى مەن كۇنىن;
3) ومو-نىڭ ءبىرىنشى باسشىسىنىڭ نەمەسە ونىڭ ورىنباسارىنىڭ نە جاۋاپتى حاتشىنىڭ (نە جاۋاپتى حاتشىنىڭ وكىلەتتىگىن جۇزەگە اسىراتىن واو لاۋازىمدى ادامىنىڭ) (بۇدان ءارى – ومو باسشىلىعى) قولىن;
4) ورىنداۋشىنىڭ تەگىن جانە ونىڭ تەلەفون ءنومىرىن قامتۋعا ءتيىس.
ەرەكشە ماڭىزى بار ماسەلەلەر بويىنشا ەلەكتروندىق قۇجاتتار قاعاز جەتكىزگىشتەردە دە رەسىمدەلۋگە ءتيىس (ارحيۆتەر مەن قۇجاتتامانى باسقارۋدىڭ ۋاكىلەتتى مەملەكەتتىك ورگانى بەلگىلەگەن ساقتاۋ مەرزىمى بار).
بۇل رەتتە, پايدالانۋشىلار ءۇشىن قولجەتىمدى اقپاراتتىق جۇيەلەردە نەمەسە مەملەكەتتىك ورگاننىڭ سايتتارىندا بار نەمەسە مەملەكەتتىك ورگاننان كەلىپ تۇسكەن اقپارات ۇسىنۋ تۋرالى سۇراۋ سالۋعا جاۋاپ بەرىلمەيدى, ول بەلگىلەنگەن تارتىپپەن وسى اقپاراتتىق جۇيەلەردە ورنالاستىرىلادى. مۇنداي سۇراۋ سالۋلارعا جەكە اقپارات بەرۋ تالاپ ەتىلمەيدى.
جاۋاپتى ورىنداۋشىسى جانە ونىڭ تىكەلەي باسشىسى مەملەكەتتىك ورگاننىڭ سايتتارىندا ورنالاستىرىلاتىن اقپاراتتىڭ انىقتىعىنا, وزەكتىلىگى مەن قورعالۋىنا («قپۇ» بەلگىسى بار تاراتىلۋى شەكتەلگەن قىزمەتتىك اقپاراتپەن جانە مەملەكەتتىك قۇپيالاردى قورعاۋ جونىندەگى نورماتيۆتىك قۇقىقتىق اكتىلەرمەن جۇمىس جونىندەگى تالاپتاردىڭ ساقتالۋى) جاۋاپتىلىقتا بولادى.
قازاقستان رەسپۋبليكاسىنىڭ پرەزيدەنتى اكىمشىلىگىنىڭ, قازاقستان رەسپۋبليكاسى پارلامەنتىنىڭ جانە قازاقستان رەسپۋبليكاسىنىڭ پرەمەر-ءمينيسترى كەڭسەسىنىڭ حات-حابارلارىنان باسقا, وسى رەگلامەنتتىڭ تالاپتارىن بۇزا وتىرىپ رەسىمدەلگەن كىرىس حات-حابارلار قابىلدانبايدى جانە (نەمەسە) ومو قۇجاتتامالىق قامتاماسىز ەتۋ قىزمەتى ءتيىستى مەملەكەتتىك ورگانعا سول كۇنى قايتارادى.»;
14-تارماق مىناداي مازمۇنداعى ەكىنشى بولىكپەن تولىقتىرىلسىن:
«قازاقستان رەسپۋبليكاسى پرەمەر-ءمينيسترىنىڭ كەڭسەسىنەن ومو-عا باقىلاۋداعى ەمەس قۇجاتتار تۇسكەن كەزدە ومو اتالعان قۇجاتتاردى باقىلاۋعا قويمايدى جانە ولار بويىنشا قازاقستان رەسپۋبليكاسى پرەمەر-ءمينيسترىنىڭ كەڭسەسىنە جاۋاپ جىبەرىلمەيدى.»;
19-تارماقتا:
ءبىرىنشى بولىك مىناداي رەداكتسيادا جازىلسىن:
«19. شىعىس حات-حابارلارعا قازاقستان رەسپۋبليكاسى پرەزيدەنتىنىڭ اكىمشىلىگىنە, قازاقستان رەسپۋبليكاسىنىڭ پارلامەنتىنە جانە قازاقستان رەسپۋبليكاسى پرەمەر-ءمينيسترىنىڭ كەڭسەسىنە جىبەرۋ ءۇشىن قول قويۋ الدىندا وندا تاپسىرماعا سىلتەمەلەردىڭ بولۋى جانە ولاردىڭ دۇرىس رەسىمدەلۋى, ونىڭ ىشىندە ءىس-شارالار جوسپارلارىنا جانە ولاردى بەكىتۋ تۋرالى اكتىلەرگە سايكەستىگى مانىنە ومو قۇجاتتامالىق قامتاماسىز ەتۋ قىزمەتى (باقىلاۋ قىزمەتى) بۇرىشتاما قويۋعا ءتيىس.»;
مىناداي مازمۇنداعى ءۇشىنشى بولىكپەن تولىقتىرىلسىن:
«وزگە مەملەكەتتىك ورگانداردىڭ ەرەكشە قۇزىرەتىنە جاتاتىن مەملەكەتتىك ورگانداردىڭ شىعىس حات-حابارلارى قازاقستان رەسپۋبليكاسى پرەمەر-ءمينيسترىنىڭ كەڭسەسىنە جىبەرىلمەيدى.»;
21-تارماق مىناداي رەداكتسيادا جازىلسىن:
«21. مەملەكەتتىك ورگانداردىڭ ينترانەت-پورتالى (بۇدان ءارى – مويپ) ارقىلى ومو-عا كەلىسۋگە كەلىپ تۇسكەن, قازاقستان رەسپۋبليكاسى ۇكىمەتىنىڭ 2004 جىلعى 17 ساۋىردەگى № 430 قاۋلىسىمەن بەكىتىلگەن ەلەكتروندىق قۇجات اينالىم ەرەجەسىندە بەلگىلەنگەن تارتىپپەن مەملەكەتتىك ورگانداردىڭ كۋالاندىرۋشى ورتالىعىنىڭ ەلەكتروندىق تسيفرلىق قولتاڭباسى (بۇدان ءارى – موكو ەتسق) قويىلعان قازاقستان رەسپۋبليكاسىنىڭ ۇكىمەتى قاۋلىلارىنىڭ, قازاقستان رەسپۋبليكاسىنىڭ پرەمەر-ءمينيسترى وكىمدەرىنىڭ, بۇيرىقتاردىڭ, زاڭنامالىق اكتىلەردىڭ جوبالارىن (بۇدان ءارى – جوبالار) قۇجاتتامالىق قامتاماسىز ەتۋ قىزمەتى جوبانىڭ وتۋىنە جاۋاپتى بولىمشەنى جانە ولاردىڭ قۇزىرەتىنە قاراي ومو-نىڭ مۇددەلى بولىمشەلەرىن ايقىندايتىن مىندەتتەردىڭ بولىنۋىنە سايكەس ومو باسشىلىعىنا, ونىڭ ىشىندە بارلىق جوبالار مىندەتتى تۇردە كەلىسىلەتىن ومو-نىڭ زاڭ قىزمەتىنە دە جىبەرەدى. جوبالار جىبەرىلەتىن ومو بولىمشەلەرى اراسىندا جوبالاردى كەلىسۋ موكو ەتسق پايدالانىلا وتىرىپ, مويپ ارقىلى ەلەكتروندىق قۇجاتتار نىسانىندا جۇرگىزىلەدى.
جوبالاردى قاراۋدىڭ جالپى مەرزىمى قازاقستان رەسپۋبليكاسى ۇكىمەتىنىڭ رەگلامەنتىندە جانە وزگە دە نورماتيۆتىك قۇقىقتىق اكتىلەردە, سونداي-اق جوعارى تۇرعان مەملەكەتتىك ورگاندار مەن لاۋازىمدى ادامداردىڭ تاپسىرمالارىندا ايقىندالادى.
جاۋاپتى قۇرىلىمدىق بولىمشەنىڭ ورىنداۋشىسى مۇددەلى بولىمشەلەردىڭ پىكىرلەرىن قورىتادى جانە ازىرلەۋشى ورگانعا زاڭناماعا سايكەس جاۋاپتىڭ جوباسىن دايىندايدى, وعان جوبانىڭ وتۋىنە جاۋاپتى بولىمشەنىڭ باسشىسى, مۇددەلى بولىمشەلەردىڭ باسشىلارى بۇرىشتاما قويادى, مىندەتتەردىڭ بولىنۋىنە سايكەس ومو باسشىلىعىنىڭ موكو ەتسق-مەن كۋالاندىرىلادى, سودان كەيىن ومو ءبىرىنشى باسشىسىنىڭ نە ونىڭ مىندەتىن اتقارۋشى ادامنىڭ موكو ەتسق-مەن كۋالاندىرىلادى.»;
22-تارماقتا:
ءبىرىنشى بولىك مىناداي رەداكتسيادا جازىلسىن:
«22. قازاقستان رەسپۋبليكاسىنىڭ ۇكىمەتى قاۋلىلارىنىڭ, قازاقستان رەسپۋبليكاسىنىڭ پرەمەر-ءمينيسترى وكىمدەرىنىڭ, زاڭ جوبالارىن قوسپاعاندا, جوبانى ەسكەرتۋلەرسىز كەلىسۋ (بۇرىشتاما قويۋ) مۇمكىندىگى تۋرالى قورىتىندى دايىندالعان جاعدايدا, ازىرلەۋشى ورگان جۇمىس تارتىبىمەن كەلىسۋشى ومو-نىڭ بولىمشە باسشىسىنىڭ شەشىمى بويىنشا جوبانىڭ تولنۇسقاسىن بۇرىشتاما قويۋعا ۇسىنادى, بۇل تۋرالى بۇرىن ۇسىنىلعان ىلەسپە حاتتا بەلگى (الۋشىنىڭ ت.ا.ءا., كۇنى, قولى) قويىلادى.»;
ءۇشىنشى جانە ءتورتىنشى بولىكتەر مىناداي رەداكتسيادا جازىلسىن:
«كەلىسۋشى ومو جوبالاردى مويپ-دا ەسكەرتۋلەرسىز كەلىسكەن جاعدايدا, ازىرلەۋشى ورگان جوبانىڭ تولنۇسقاسىن ەلەكتروندىق قۇجاتتىڭ قاعاز كوشىرمەسى تۇرىندە ومو باسشىسىنا بۇرىشتاما قويۋعا, سودان كەيىن كەلىسۋشى ومو-عا ۇسىنادى.
مويپ-دا كەلىسۋ ناتيجەسى كەلىسۋشى ومو-نىڭ جوبانىڭ وتۋىنە جاۋاپتى بولىمشە باسشىسىنىڭ موكو ەتسق-مەن كۋالاندىرىلادى جانە 2 جۇمىس كۇنىنەن اسپايتىن مەرزىمدە مۇددەلى بولىمشەلەر باسشىلارىنىڭ, مىندەتتەردىڭ بولىنۋىنە سايكەس ومو باسشىلىعىنىڭ ەتسق-مەن كۋالاندىرىلادى.»;
23-تارماقتىڭ ءبىرىنشى جانە ەكىنشى بولىكتەرى مىناداي رەداكتسيادا جازىلسىن:
«23. جوبالاردى قوسپاعاندا, كەلىسۋشى ومو-دا ازىرلەۋشى تولىعىمەن كەلىسەتىن ەسكەرتۋلەر بولعان كەزدە جوبا جۇمىس تارتىبىمەن پىسىقتاۋعا قايتارىلادى, بۇل تۋرالى ازىرلەۋشى مەملەكەتتىك ورگاننىڭ بۇرىن ۇسىنىلعان ىلەسپە حاتىندا بەلگى (الۋشىنىڭ ت.ا.ءا., كۇنى, قولى) قويىلادى. جوبانى پىسىقتاۋ مەرزىمى 10 جۇمىس كۇنىنەن اسپايدى. پىسىقتالۋىنا قاراي كەلىسۋشى ومو ءبىر مەزگىلدە ورىن العان ەسكەرتۋلەردى جويعان جاعدايدا جوبانى كەلىسۋ (بۇرىشتاما قويۋ) مۇمكىندىگى تۋرالى قورىتىندى دايىندايدى.
كەلىسۋشى ومو-دا ازىرلەۋشى تولىعىمەن كەلىسەتىن ەسكەرتۋلەر بولعان كەزدە جوبا مويپ ارقىلى جىبەرىلگەن حابارلامامەن بىرگە ازىرلەۋشى مەملەكەتتىك ورگانعا پىسىقتاۋعا قايتارىلادى. بۇل رەتتە ازىرلەۋشى مويپ-دا جوبانىڭ پىسىقتالعان نۇسقاسىن ورنالاستىرادى جانە مەملەكەتتىك ورگاندارعا كەلىسۋگە قايتا جولدايدى. بار ەسكەرتۋلەردى جويعان جاعدايدا كەلىسۋشى مەملەكەتتىك ورگان مويپ-دا كەلىسۋشى مەملەكەتتىك ورگان باسشىسىنىڭ ەتسق-مەن كۋالاندىرىلعان ەسكەرتۋلەرسىز كەلىسۋ تۋرالى بەلگى قويادى.».