وسى جىلعى 27 اقپاندا ورتالىق سايلاۋ كوميسسياسى قازاقستان رەسپۋبليكاسىنىڭ پرەزيدەنتتىگىنە كانديداتتى قولداپ قول قويۋ پاراقتارىن بەرۋدىڭ جانە قولداردىڭ راستىعىن تەكسەرۋدىڭ مەرزىمدەرىن قىسقارتۋ تۋرالى شەشىم قابىلداعان بولاتىن.
«2015 جىلعى 26 ساۋىرگە تاعايىندالعان قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىندا قازاقستان رەسپۋبليكاسىنىڭ پرەزيدەنتتىگىنە كانديداتتى قولداپ قول قويۋ پاراقتارىن بەرۋدىڭ جانە قولداردىڭ راستىعىن تەكسەرۋدىڭ مەرزىمدەرىن قىسقارتۋ تۋرالى» قر وسك 2015 جىلعى 27 اقپانداعى №6/266 قاۋلىسىنا سايكەس قول قويۋ پاراقتارىن ورتسايلاۋكوم كانديداتتىڭ قازاقستان رەسپۋبليكاسىنىڭ كونستيتۋتسياسىندا جانە «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭىندا بەلگىلەنگەن تالاپتارعا سايكەستىگى تەكسەرىلگەننەن كەيىن ەكى كۇنتىزبەلىك كۇننىڭ ىشىندە بەرەدى. وسىعان دەيىن اتالعان راسىمگە بەس كۇن بەرىلەتىن. سونداي-اق, اۋماقتىق سايلاۋ كوميسسيالارىنىڭ كانديداتتى قولدايتىن قولداردىڭ راستىعىن تەكسەرۋ مەرزىمى ون كۇننەن بەس كۇنتىزبەلىك كۇنگە دەيىن قىسقارتىلدى. سايلاۋ كوميسسيالارىنىڭ اتالعان سايلاۋ راسىمدەرىن جۇزەگە اسىرۋ مەرزىمدەرىن قىسقارتۋ تۋرالى شەشىمدى ورتسايلاۋكوم تەك كانديداتتاردىڭ مۇددەلەرىنە ساي قابىلدادى جانە بۇل ولار ءۇشىن ورتاق ۋاقىت رەسۋرستارىن ۇلعايتادى. * * * قازىردىڭ وزىندە جۇزگە جۋىق شەتەلدىڭ بۇقارالىق اقپارات قۇرالدارى وكىلدەرى قازاقستان رەسپۋبليكاسىنىڭ پرەزيدەنتتىك سايلاۋىنا بايقاۋ جۇرگىزە الادى. «قازىرگى كەزدە ءبىز ەلىمىزدىڭ سىرتقى ىستەر مينيسترلىگىمەن بىرلەسىپ, حالىقارالىق بايقاۋشىلار ينستيتۋتىن اشتىق, – دەدى ورتالىق سايلاۋ كوميسسياسىنىڭ مۇشەسى مارات سارسەمباەۆ وسى جونىندە. – حالىقارالىق بايقاۋشىلاردىڭ باسىم بولىگى بۇگىندە قۇجاتتارىن راسىمدەۋ ۇستىندە». وسك مۇشەسىنىڭ ايتۋىنشا, سىرتقى ىستەر مينيسترلىگى دەڭگەيىندە اككرەديتتەلگەن شامامەن 100-گە جۋىق شەتەلدىك باق وكىلدەرى بار. ءتيىستى زاڭناماعا سايكەس, بۇل جۋرناليستەر ەلىمىزدە اككرەديتتەلگەندىكتەن, ولار قازىردىڭ وزىندە پرەزيدەنتتىك سايلاۋ بارىسىن حالىقارالىق دەڭگەيدە بايقاۋعا كىرىسە الادى. «ال ورتالىق سايلاۋ كوميسسياسى ەقىۇ, تمد جۇيەسى ارقىلى كەلەتىن بايقاۋشىلاردى تىركەيدى», – دەدى ول.
ءاليسۇلتان قۇلانباي,
«ەگەمەن قازاقستان».