چەمپيوندار ليگاسى. پسج شيرەك فينالدا! (فوتو)

  استانا. 12 ناۋرىز. چەمپيوندار ليگاسىنىڭ شيرەك فينالىنا ءتورتىنشى كوماندا بولىپ ءپاريجدىڭ پسج-سى شىقتى. بۇل تۋرالى egemen.kz حابارلادى. قوس كوماندا اراسىنداعى العاشقى ويىندا ەسەپ 1:1 بولعانى بەلگىلى. بۇل ناتيجە لوندوندىقتاردىڭ پايداسىنا جۇمىس ىستەيتىنى انىق. سوندىقتان قوناقتار «ءا» دەگەننەن شابۋىلعا شىعىپ, گول سوعۋعا نيەتتى ەكەندىگىن اڭعارتتى. دەگەنمەن, پسج-نىڭ باس جاتتىقتىرۋشىسى لوران بلاننىڭ بار جوسپارى ويىننىڭ 31-مينۋتىندا بىت-شىت بولدى. سەبەبى, ءدال وسى ۋاقىتتا كوماندانىڭ باستى قوزعاۋشى كۇشى زلاتان يبراگيموۆيچ الاڭنان قۋىلدى. سوعان قاراماستان ويىن تەڭ جاعدايدا ءوربىدى. جوزە موۋرينونىڭ شاكىرتتەرى تەك 81-مينۋتتا عانا ەسەپ اشۋعا مۇمكىندىك تاپتى. ديەگو كوستادان پاس العان گاري كەحيلل مەرگەندىگىمەن كوزگە ءتۇسىپ, كومانداسىن العا شىعاردى. دەگەنمەن, قوناقتار الاڭنىڭ ءار بۇرىشىندا دوپقا تالاسىپ, ويىننىڭ بىتۋىنە 4 مينۋت قالعان كەزدە ەسەپتى تەڭەستىرىپ كەتتى. نەگىزگى ۋاقىتتا ءبىرىن ءبىرى الا الماعان قارسىلاستار قوسىمشا كەزەڭدەرگە جۇگىندى. بۇل سىندا دا ءبىر-بىردەن گول سوققان كوماندالار ويىندى 2:2 ەسەبىمەن تەڭ اياقتادى. وسى ەسەپ فرانتسۋزدار ءۇشىن جەتكىلىكتى ەدى. ناتيجەسىندە چەمپيوندار ليگاسىنىڭ شيرەك فينالىنا پسج شىقتى. پاريجدىكتەردىڭ جەڭىسىنە باس جاتتىقتىرۋشىنىڭ تاكتيكالىق تاسىلدەرى سەپتىگىن تيگىزدى. يبراگيموۆيچ الاڭنان قۋىلعاننان كەيىن دەرەۋ ويىن ورنەگىنە وزگەرىس ەنگىزگەن لوران بلان كومانداسىن كەلەسى كەزەڭگە الىپ شىقتى. 120 مينۋتقا سوزىلعان ويىندا «چەلسي» قاقپاعا 13 سوققى جاساسا, پسج 12 رەت دوپتى كۋرتۋانىڭ يەلىگىنە باعىتتادى. ەلامان قوڭىر. دەرەك: egemen.kz. سۋرەت: twitter.com. «چەلسي» (لوندون, انگليا) – پسج (پاريج, فرانتسيا) 2:0 11 ناۋرىز. لوندون. «ستەمفورد بريدج» ستاديونى. 41 800 كورەرمەن. تورەشى: بورن كەيپەرس (نيدەرلاندى). «چەلسي»: تيبو كۋرتۋا, برانيسلاۆ يۆانوۆيچ, گاري كەحيلل, دجون تەرري, سەسار اسپيليكۋەتا, سەسك فابرەگاس, راميرەس (ديدە دروگبا 91), وسكار (ۆيلليان 46), ەدەن ازار, نەمانيا ماتيچ (كۋرت زۋما 84), ديەگو كوستا. پسج: سالۆاتورە سيريگۋ, تياگو سيلۆا, ماركينوس, ماكسۆەلل, داۆيد لۋيس, تياگۋ موتتا, بلەز ماتيۋيدي (ادريان رابو 82), ماركو ۆەرراتتي (ەسەكەل لاۆەسسي 82), حاۆەر پاستورە (گرەگوري ۆان دەر ۆيل 118), ەدينسون كاۆاني, زلاتان يبراگيموۆيچ. گولدار: گاري كەحيلل 81, ەدەن ازار 96 (پەنالتي), داۆيد لۋيس 86, تياگو سيلۆا 114. ەسكەرتۋلەر: وسكار 37, راميرەس 52, ديەگو كوستا 73 – تياگۋ موتتا 33, بلەز ماتيۋيدي 40, داۆيد لۋيس 73, ماركو ۆەرراتتي 74. الاڭنان قۋىلدى: زلاتان يبراگيموۆيچ 31.