2014 جىلعى 2 ماۋسىم, استانا قالاسى
«قازاقستان رەسپۋبليكاسىنىڭ جالپى پايدالانىمداعى اۆتوموبيل جولدارىن كۇردەلi جانە ورتاشا جوندەۋگە ارنالعان تەحنيكالىق قۇجاتتاماعا ۆەدومستۆولىق ساراپتاما جۇرگiزۋ ەرەجەسiن بەكiتۋ تۋرالى» قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ 2005 جىلعى 31 قازانداعى № 337-I بۇيرىعىنا وزگەرىستەر ەنگىزۋ تۋرالى
«اۆتوموبيل جولدارى تۋرالى» 2001 جىلعى 17 شىلدەدەگى قازاقستان رەسپۋبليكاسىنىڭ زاڭى 14-بابىنىڭ 4-تارماعىنا سايكەس بۇيىرامىن:
1. «قازاقستان رەسپۋبليكاسىنىڭ جالپى پايدالانىمداعى اۆتوموبيل جولدارىن كۇردەلi جانە ورتاشا جوندەۋگە ارنالعان تەحنيكالىق قۇجاتتاماعا ۆەدومستۆولىق ساراپتاما جۇرگiزۋ ەرەجەسiن بەكiتۋ تۋرالى» قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ 2005 جىلعى 31 قازانداعى № 337-I بۇيرىعىنا (نورماتيۆتىك قۇقىقتىق اكتىلەردىڭ مەملەكەتتىك تىركەۋ تىزىلىمىندە № 3929 تىركەلگەن, «زاڭ گازەتى» گازەتىندە
2005 جىلعى 14 جەلتوقسانداعى №233-234 (967-968 جاريالانعان) مىناداي وزگەرىستەر ەنگىزىلسىن:
تاقىرىبى مىناداي رەداكتسيادا جازىلسىن:
«قازاقستان رەسپۋبليكاسىنىڭ جالپى پايدالانىمداعى اۆتوموبيل جولدارىن ورتاشا جوندەۋگە ارنالعان تەحنيكالىق قۇجاتتاماعا ۆەدومستۆولىق ساراپتامانىڭ ەرەجەسىن بەكىتۋ تۋرالى»;
1-تارماق مىناداي رەداكتسيادا جازىلسىن:
«1. قوسا بەرىلىپ وتىرعان «قازاقستان رەسپۋبليكاسىنىڭ جالپى پايدالانىمداعى اۆتوموبيل جولدارىن ورتاشا جوندەۋگە ارنالعان تەحنيكالىق قۇجاتتاماعا ۆەدومستۆولىق ساراپتامانىڭ قاعيدالارى بەكىتىلسىن»;
قازاقستان رەسپۋبليكاسىنىڭ جالپى پايدالانىمداعى اۆتوموبيل جولدارىن ورتاشا جوندەۋگە ارنالعان تەحنيكالىق قۇجاتتاماعا ۆەدومستۆولىق ساراپتامانى جۇرگىزۋ قاعيدالارى وسى بۇيرىققا قوسىمشاعا سايكەس رەداكتسيادا جازىلسىن.
2. قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ اۆتوموبيل جولدارى كوميتەتى (س.ءا. ابلاليەۆ):
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە زاڭنامادا بەلگىلەنگەن تارتىپپەن مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن بۇقارالىق اقپارات قۇرالدارىندا, ونىڭ ىشىندە قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ ينتەرنەت- رەسۋرسىندا رەسمي جاريالانۋىن جانە ونى مەملەكەتتىك ورگاندارىنىڭ ينترانەت-پورتالىندا ورنالاستىرۋىن;
3) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە كوشىرمەسىن «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى «ادىلەت» رەسپۋبليكالىق مەملەكەتتىك كاسىپورنىنىڭ اقپاراتتىق-قۇقىقتىق جۇيەسىنە رەسمي جاريالاۋعا جىبەرۋدى;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن بەس جۇمىس كۇنى ىشىندە مەملەكەتتىك تىركەۋ جانە بۇقارالىق اقپارات قۇرالدارىندا جاريالانۋعا جىبەرۋ تۋرالى مالىمەتتەردى قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ كولىك جانە كوممۋنيكاتسيا ۆيتسە-ءمينيسترى م.ق. پىشەمباەۆقا جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ج.قاسىمبەك.
قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ
2014 جىلعى 2 ماۋسىمداعى №338 بۇيرىعىنا قوسىمشا
قازاقستان رەسپۋبليكاسىنىڭ جالپى پايدالانىمداعى اۆتوموبيل جولدارىن ورتاشا جوندەۋگە ارنالعان تەحنيكالىق قۇجاتتاماعا ۆەدومستۆولىق ساراپتامانىڭ قاعيدالارى
1. جالپى ەرەجەلەر
1. وسى قازاقستان رەسپۋبليكاسىنىڭ جالپى پايدالانىمداعى اۆتوموبيل جولدارىن ورتاشا جوندەۋگە ارنالعان تەحنيكالىق قۇجاتتاماعا ۆەدومستۆولىق ساراپتامانىڭ قاعيدالارى (بۇدان ءارى - قاعيدالار) «اۆتوموبيل جولدارى تۋرالى» 2001 جىلعى 17 شىلدەدەگى قازاقستان رەسپۋبليكاسىنىڭ زاڭىنا سايكەس ازىرلەنگەن جانە قازاقستان رەسپۋبليكاسىنىڭ جالپى پايدالانىمداعى اۆتوموبيل جولدارىن ورتاشا جوندەۋگە ارنالعان تەحنيكالىق قۇجاتتاماعا ۆەدومستۆولىق ساراپتامانى ۇيىمداستىرۋ مەن جۇزەگە اسىرۋ ءتارتىبىن انىقتايدى.
2. ۆەدومستۆولىق ساراپتاما جۇرگىزۋدىڭ ءتارتىبى
2. قولدانىستاعى جالپى پايدالانىمداعى اۆتوموبيل جولدارىن ورتاشا جوندەۋگە ارنالعان تەحنيكالىق قۇجاتتاماعا ۆەدومستۆولىق ساراپتاما (بۇدان ءارى - ۆەدومستۆولىق ساراپتاما) - وسى قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ اۆتوموبيل جولدارى كوميتەتى (بۇدان ءارى - كوميتەت) جالپى پايدالانىمداعى اۆتوموبيل جولدارىن ورتاشا جوندەۋگە ارنالعان تەحنيكالىق قۇجاتتامادا قابىلداناتىن شەشىمدەردىڭ نەگىزدىلىگى دەڭگەيىن ارتتىرۋ ماقساتىندا ساراپتاۋ وبەكتىسىنە تالداۋ باعاسىن بەرۋ ءۇشىن جول سالاسى ۇيىمدارىنىڭ ءوتىنىمى بويىنشا جۇرگىزەتىن باعالاۋ ءىس-قيمىلدارى مەن تۇجىرىمداۋ جۇيەسى.
3. قولدانىستاعى جالپى پايدالانىمداعى اۆتوموبيل جولدارىن ورتاشا جوندەۋگە ارنالعان تەحنيكالىق قۇجاتتاماعا ۆەدومستۆولىق ساراپتاما مىنالارعا ۇسىنىلعان ماتەريالداردىڭ ساراپتاماسىن قامتيدى:
1) قابىلدانعان كولەمدى-جوسپارلى جانە سىندارلى شەشىمدەردىڭ قولدانىلاتىن ماتەريالدار مەن ينجەنەرلىك جابدىقتىڭ نەگىزدىلىگىنە, قۇرىلىس كونسترۋكتسيالارىنىڭ سەنىمدىلىگى مەن بەرىكتىگىنە;
2) تەحنيكالىق قۇجاتتامادا كوزدەلگەن جوندەۋ كولەمىنىڭ نەگىزدىلىگىنە جانە ورىندىلىعىنا;
3) كورسەتكىشتەردىڭ, سونىڭ ىشىندە جوندەۋ ەسەپتىك نەمەسە سمەتالىق قۇنىنىڭ نەگىزدىلىگى مەن دۇرىستىعىنا.
4. ۆەدومستۆولىق ساراپتامانى جۇرگىزۋ ءۇشىن كوميتەت توراعاسىنىڭ بۇيرىعىمەن كوميتەتتىڭ قىزمەتكەرلەرىنەن قۇرامى 5 ادامنان كەم ەمەس ساراپتاۋ توبى قۇرىلادى.
5. ۆەدومستۆولىق ساراپتاما جۇرگىزۋ ءۇشىن كوميتەتكە مىناداي قۇجاتتار:
1) ۆەدومستۆولىق ساراپتاما جۇرگىزۋگە ارنالعان ەركىن نىسانداعى ءوتىنىش; 2) تەحنيكالىق قۇجاتتاما ۇسىنىلادى.
6. تەحنيكالىق قۇجاتتاماعا ۆەدومستۆولىق ساراپتاما جۇرگىزۋدىڭ ۇزاقتىعى
كۇنتىزبەلىك 30 كۇننەن اسپاۋى ءتيىس.
7. بەكىتىلگەن نەگىزگى تەحنيكا-ەكونوميكالىق كورسەتكىشتەرگە اسەر ەتەتىن قازاقستان رەسپۋبليكاسىنىڭ قولدانىستاعى جالپى پايدالانىمداعى بار اۆتوموبيل جولدارىن ورتاشا جوندەۋگە ارنالعان تەحنيكالىق قۇجاتتاماعا ەنگىزىلەتىن وزگەرىستەر (تولىقتىرۋلار) جاڭادان ازىرلەنەتىن تەحنيكالىق قۇجاتتاما ءۇشىن بەلگىلەنگەن تارتىپپەن ۆەدومستۆولىق قايتا ساراپتاماعا جاتادى.
8. قولدانىستاعى اۆتوموبيل جولدارىن ورتاشا جوندەۋگە ارنالعان تەحنيكالىق قۇجاتتاما ونى ازىرلەگەننەن جانە ۆەدومستۆولىق ساراپتامانى جۇرگىزگەننەن كەيىن ءۇش جىل ىشىندە ول بويىنشا جوندەۋ باستالماعان, ەسكىرگەن بولىپ ەسەپتەلەدى جانە پايدالانىلۋى مۇمكىن ەمەس.
9. ۆەدومستۆولىق ساراپتاماعا جاتاتىن, بىراق بەلگىلەنگەن تارتىپپەن ونى وتپەگەن بار اۆتوموبيل جولدارىن ورتاشا جوندەۋگە ارنالعان تەحنيكالىق قۇجاتتاما اياقتالماعان بولىپ ەسەپتەلەدى جانە ونى پايدالانىپ, جوندەۋ جۇمىستارىن ورىنداۋعا جول بەرىلمەيدى.
10. تەحنيكالىق قۇجاتتامانى وسى قاعيدالارعا سايكەس جۇرگىزىلگەن ساراپتامالىق توپتىڭ وڭ قورىتىندىسىنسىز بەكىتۋگە جول بەرىلمەيدى.
11. وڭ قورىتىندى العان جاعدايدا ساراپتامالىق توپ تەحنيكالىق قۇجاتتامانى بەكىتۋگە ۇسىنادى, ەگەر ۇسىنىلعان قۇجاتتار نورماتيۆتىك-تەحنيكالىق قۇجاتتاردىڭ تالاپتارىنا سايكەس كەلمەگەن جاعدايدا ساراپتامالىق توپ سەبەپتەردى كورسەتە وتىرىپ, تەحنيكالىق قۇجاتتامانى پىسىقتاۋعا قايتارادى.
3. قورىتىندى ەرەجەلەر
12. ساراپتامالىق توپتىڭ شەشىمىنە سوت تارتىبىمەن شاعىمدانۋعا بولادى.
13. ساراپتامالىق توپتىڭ مۇشەلەرى قارالاتىن تەحنيكالىق قۇجاتتاما بويىنشا قۇپيالىلىقتى ساقتاۋى ءتيىس.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 1 شىلدەدەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 9548 بولىپ ەنگىزىلدى.