كەشە پرەمەر-مينيستر كارىم ءماسىموۆ گفر-ءدىڭ شىعىس ەكونوميكا كوميتەتى جانە ەۋرازيالىق دامۋ بانكى وكىلدەرىمەن بىرقاتار كەزدەسۋلەر وتكىزدى, دەپ حابارلادى ۇكىمەت باسشىسىنىڭ ءباسپاسوز قىزمەتى.
گەرمانيا ەكونوميكاسى شىعىس كوميتەتىنىڭ توراعاسى كلاۋس مانگولدپەن بولعان كەزدەسۋدە تاراپتار قازاقستان – گەرمانيا ساۋدا-ەكونوميكالىق ىنتىماقتاستىعىنىڭ كەڭ اۋقىمداعى ماسەلەلەرىن تالقىلادى. ەكى ەل اراسىنداعى ساۋدا-ەكونوميكالىق ىنتىماقتاستىق بايلانىسىن الداعى ۋاقىتتا ودان ءارى بەلسەندى دامىتۋ جاعدايى تىلگە تيەك ەتىلدى.
ەۋرازيالىق دامۋ بانكى باسقارماسىنىڭ توراعاسى يگور فينوگەنوۆپەن بولعان ەكى جاقتى كەزدەسۋ بارىسىندا قازاقستاننىڭ ۇدەمەلى يندۋستريالىق-يننوۆاتسيالىق دامۋ باعدارلاماسى شەڭبەرىندەگى ينۆەستيتسيالىق جوبالاردى جۇزەگە اسىرۋ ماسەلەلەرى قارالدى.