يسپانيادا مامىر ايىندا اپتاپ ىستىقتىڭ سالدارىنان 101 ادام قايتىس بولدى. بۇل سوڭعى ونجىلدىقتا تىركەلگەن ەڭ جوعارى كورسەتكىش بولىپ وتىر, دەپ حابارلايدى Egemen.kz.
ەلدىڭ دەنساۋلىق ساقتاۋ مينيسترلىگىنىڭ مالىمەتىنشە, بيىلعى مامىرداعى ءولىم-ءجىتىم دەڭگەيى سوڭعى ون جىلداعى ورتاشا كورسەتكىشتەن 3,6 ەسە جوعارى بولعان. بيلىك وكىلدەرى مۇنى جاز باستالماي تۇرىپ قالىپتاسقان اپتاپ ىستىقپەن بايلانىستىرىپ وتىر.
باعالاۋ جۇمىستارى كۇن سايىنعى ءولىم-ءجىتىم كورسەتكىشتەرىن تىركەيتىن Momo مونيتورينگ جۇيەسىنىڭ دەرەكتەرى نەگىزىندە جۇرگىزىلگەن. بۇعان دەيىن يسپانيانىڭ Aemet ۇلتتىق مەتەورولوگيالىق اگەنتتىگى ەلدىڭ بىرنەشە قالاسىندا تەمپەراتۋرالىق رەكوردتار جاڭارعانىن حابارلاعان ەدى.
ەلىمىزدە 34 گرادۋسقا دەيىن ىستىق بولادى
ايتا كەتەيىك, 2025 جىلدىڭ جازىندا يسپانياداعى اپتاپ ىستىقتان 1060 ادام كوز جۇمعان بولاتىن. وسىعان بايلانىستى يسپانيا پرەمەر-ءمينيسترى پەدرو سانچەس قوعامدىق عيماراتتاردا كليماتتىق باسپانالاردىڭ ۇلتتىق جەلىسىن قۇرۋ باستاماسىن جاريالاعان.
سونداي-اق بۇۇ جاقىن اپتالاردا ەل-نينو كليماتتىق قۇبىلىسىنىڭ قالىپتاسۋى مۇمكىن ەكەنىن ەسكەرتكەن. ماماندار ونىڭ قۇرعاقشىلىققا, سۋ تاسقىندارى مەن ورمان ورتتەرىنە اكەلۋى ىقتيمال ەكەنىن ايتادى.
ەسكە سالا كەتەيىك, بۇعان دەيىن «قازگيدرومەت» ەلىمىزدىڭ 4 وڭىرىندە قۇرعاقشىلىق بولۋى مۇمكىن ەكەندىگىن مالىمدەگەن بولاتىن.