جاز كەلىسىمەن وڭتۇستىكتە ۋلى جاندىكتەردەن زارداپ شەككەن تۇرعىندار قاتارى كوبەيدى. ماسەلەن شىمكەنت قالاسىندا بۇگىنگى كۇنگە دەيىن سارىشايان شاققان 80-نەن استام تۇرعىن مەديتسينالىق كومەككە جۇگىنىپ, ولاردىڭ جارتىسىنا جۋىعى اۋرۋحاناعا جاتقىزىلعان, دەپ حابارلايدى Egemen.kz.
ماماندار ۋلى جاندىكتەر نەگىزىنەن جاڭا قونىستانىپ جاتقان اۋماقتاردا كوبەيگەنىن ايتىپ وتىر. سارىشاياندار كوبىنە اياق كيىم ىشىنە, كەرەۋەت استىنا نەمەسە ىلعالدى جەرلەرگە تىعىلاتىندىقتان, تۇرعىندار ولاردى بايقاماي قالىپ جاتادى.
دارىگەرلەردىڭ مالىمدەۋىنشە, سارىشايان شاققان جاعدايدا ادامنىڭ تىنىس الۋى قيىنداپ, ومىرىنە قاۋىپ ءتونۋى مۇمكىن. سوندىقتان مۇنداي جاعدايلاردا ۋاقىت جوعالتپاي, بىردەن جەدەل مەديتسينالىق كومەككە جۇگىنۋ قاجەت.
«سارىشايان كوبىنە ادامدى ۇيىقتاپ جاتقان كەزدە شاعادى. سوندىقتان جاز ايلارىندا دالادا, جەردە جاتپاۋ كەرەك. ونىڭ ۇستىنە ىلعالدى جەردە جاندىكتەردىڭ باسقا دا تۇرلەرى بولۋى مۇمكىن. سول ءۇشىن استىعا توسەنىش توسەپ, 10-15 سانتيمەتر بيىكتىكتە جاتۋ كەرەك», دەيدى شىمكەنت قالاسى گيپەرباريكالىق وكسيگەناتسيا ورتالىعىنىڭ باس دارىگەرى مادينا ەرماحانبەتوۆا.
اقمولا وبلىسىندا كەنە شاققان ءجاسوسپىرىم جانساقتاۋ بولىمىنە ءتۇستى
ەسكە سالا كەتەيىك, بۇعان دەيىن شىمكەنتتە 14 جاستاعى بالانى سارىشايان شاعىپ, دارىگەرلەر بالاعا شۇعىل وتا جاساعان بولاتىن.