قاۋىپسىزدىك پەن تازالىق ۇيلەسسە...

قالا اكىمى اسحات بەردىحانوۆ كوم­مۋ­نال­دىق جاعا­جاي­لار دەما­­لۋ­شىلاردى قا­بىلداۋعا تولىق دايىن ەكەنىن مالىمدەدى. اسىرەسە №5 جاعاجايدا قاۋىپ­سىزدىك ماسەلەسىنە ەرەكشە كوڭىل بولىنگەن. مۇندا 12 قۇتقارۋ مۇناراسى ورناتىلىپ, 26 قۇتقارۋشى جۇمىس ىستەيدى. سونىمەن قاتار جاعاجاي اۋماعىنا 21 بەينە­باقىلاۋ كامەراسى قويىلعان. ونىڭ ىشىندە جاساندى ينتەللەكت جۇيە­سىمەن جۇمىس ىستەيتىن كامەرالار دا بار. بارلىق قۇرىلعىلار جەدەل باسقارۋ ورتالىعىنا قوسىلعان.

جاعاجاي اۋماعىندا ساني­­تارلىق توراپتار مەن تاماقتانۋ ورىندارى جۇمىس ىستەيدى. كۇن سايىن ارنايى قىزمەتكەرلەر جاعالاۋدى بىرنەشە رەت قوقىس­تان تازارتادى. ال جاياۋ جۇر­گىنشىلەر ءۇشىن كىرۋ تەگىن.

بيىل №5 جاعاجايدا جاڭا 9D كينوتەاترى اشىلدى. زاماناۋي اتتراكتسيون فورماتىنداعى كينوتەاتردا كورەرمەندەر ءفيلمدى ارنايى دىبىس, قوزعالىس, وزگە دە ەففەكتىلەر ارقىلى شىنايى سەزىنە الادى. سونىمەن قاتار قالادا جاڭا ويىن-ساۋىق ورىندارى كوبەيىپ كەلەدى. سونىڭ ءبىرى «جىبەك جولى» جشس سالىپ جاتقان اتتراكتسيوندار پاركى 10 ماۋسىمعا قاراي كەلۋشىلەرگە ەسىگىن ايقارا اشاتىن بولادى.

«بۇل پارك بىرنەشە جىلدان بەرى سالىنىپ جاتىر. قازىر سوڭعى دايىندىق جۇمىستارى اياقتالۋدا. جاقىن كۇندەرى دەمالۋشىلاردى قابىلداي باستايدى», دەدى قالا اكىمى.

قالادا بيىل جاڭا فورمات­تاعى دەمالىس ورىندارى دا اشى­لۋدا. سونىڭ ءبىرى – «VE RICCI» دەمالىس ايماعى. كەشەن وتباسىلىق دەمالىسقا ارنالعان. مۇندا جايلى ۆيللالار, باسسەين­دەر, تىنىعۋعا ارنالعان ارنايى اۋماقتار قاراستىرىلعان.

بيىل تۋريستىك با­عىتتا 11 ينۆەستيتسيالىق جوبانى جۇزەگە اسىرۋ جوسپارلانىپ وتىر. ونىڭ ىشىندە قوناقۇيلەر, دەمالىس ورىندارى مەن گولف-كلۋب قۇرىلىسى بار.

قاۋىپسىزدىك ماسەلەسى دە باس­تى نازاردا. قالالىق توتەن­شە جاعدايلار باسقار­ماسى جاعا­جاي­­لاردا ساعات 20:00-دەن كەيىن شومىلۋعا تىيىم سالىناتىنىن حابارلادى. كۇن سايىن پاترۋل­دەۋ ۇيىمداستىرىلىپ, كەش­كى ۋاقىتتا ارنايى رەيد­­­تەر جۇرگىزىلەدى.

قالا تۇرعىندارى مەن تۋريس­تەر دە شومىلۋ ماۋسى­مى­نىڭ اشىلۋىن قۋانا قابىلدادى. اشىق سۋدا جۇزۋدەن قازاقستان جانە الەم چەمپيونى ءامينا ءشىنادىل قاپشاعاي سۋ قويماسى سۋ سپورتىن دامىتۋ باعىتىندا قولايلى ورىنداردىڭ بىرىنە اينالىپ كەلە جاتقانىن ايتتى.

قوناەۆتا الداعى ۋاقىتتا 5 شا­قىرىمنان استام جاعا­جايدى ابات­تاندىرۋ جوسپار­لانعان. جۇ­مىس­ كەزەڭ-كەزەڭىمەن جۇزەگە اسادى.

الماتى وبلىسى