ەلىمىزدە 26 كۇننەن سوڭ جاڭا كونستيتۋتسيا كۇشىنە ەنەدى. بۇل قۇجات مەملەكەت دامۋىنىڭ جاڭا كەزەڭىن ايقىنداپ, ازاماتتاردىڭ قۇقىقتارى مەن بوستاندىقتارىن قورعاۋدى نەگىزگى باسىمدىق رەتىندە بەكىتەدى, دەپ حابارلايدى Egemen.kz.
كونستيتۋتسيانىڭ 1-بابىندا ادامنىڭ ءومىرى, قۇقىقتارى مەن بوستاندىقتارى مەملەكەتتىڭ ەڭ قىمبات قازىناسى ەكەنى ناقتى كورسەتىلگەن. بۇل قاعيدا مەملەكەت قىزمەتىنىڭ تۇپكى ماقساتى – ادامدى قورعاۋ, ونىڭ قۇقىقتارى مەن بوستاندىقتارىن قامتاماسىز ەتۋ جانە قوعامداعى ءومىر ساپاسىن ارتتىرۋ ەكەنىن بىلدىرەدى.
وسى قاعيداعا سايكەس, مەملەكەتتىك ورگاندار قابىلدايتىن بارلىق شەشىمدەر ەڭ الدىمەن ازاماتتاردىڭ مۇددەسى مەن يگىلىگىن ەسكەرە وتىرىپ جۇزەگە اسىرىلۋى ءتيىس. ياعني, مەملەكەتتىك باسقارۋ جۇيەسىنىڭ بارلىق باعىتتارى ادام فاكتورى مەن ونىڭ ءال-اۋقاتىنا نەگىزدەلەدى.
5 جىلعا سايلاناتىن 145 دەپۋتات: پرەزيدەنت قۇرىلتاي تۋرالى كونستيتۋتسيالىق زاڭعا قول قويدى
جاڭا كونستيتۋتسيا ەلدەگى قۇقىقتىق مەملەكەت قاعيداتتارىن نىعايتىپ, ازامات پەن مەملەكەت اراسىنداعى ءوزارا جاۋاپكەرشىلىكتى كۇشەيتۋگە باعىتتالعان.
ەسكە سالا كەتەيىك, بۇگىن مەملەكەت باسشىسى جاڭا كونستيتۋتسيا ەرەجەلەرىن جۇزەگە اسىرۋ ماقساتىندا بەس كونستيتۋتسيالىق زاڭعا قول قويدى.