كەشە ەلباسى نۇرسۇلتان نازارباەۆ شۆەيتساريانىڭ فەدەرالدىق پرەزيدەنتى دوريس لويتحاردپەن تەلەفون ارقىلى سويلەستى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
اڭگىمەلەسۋ بارىسىندا مەملەكەت باسشىلارى الداعى ۋاقىتتا, 16-17 شىلدەدە الماتىدا وتەتىن ەقىۇ-عا مۇشە مەملەكەتتەردىڭ سىرتقى ىستەر مينيسترلەرىنىڭ بەيرەسمي كەزدەسۋىن ەسەپكە الا وتىرىپ, ەۋروپاداعى قاۋىپسىزدىك جانە ىنتىماقتاستىق جونىندەگى ۇيىمنىڭ كۇن تارتىبىندەگى ماسەلەلەر جونىندە پىكىر الماستى.
تاراپتار ەكى ەلدىڭ حالىقارالىق قارجى ينستيتۋتتارىنداعى ىنتىماقتاستىعىنىڭ پەرسپەكتيۆاسىن, سونداي-اق ەكىجاقتى ساۋدا-ەكونوميكالىق ىنتىماقتاستىقتى ودان ءارى دامىتۋدىڭ جولدارىن تالقىلادى.