فوتو: اشىق دەرەككوز
وسى باعىتتاعى نەگىزگى قۇجاتتاردىڭ ءبىرى – مەملەكەت باسشىسىنىڭ ۇلتتىق قۇرىلتايدا بەرگەن تاپسىرماسى اياسىندا ازىرلەنگەن «قازاقستان بالالارى» 2026–2030 جىلدارعا ارنالعان تۇجىرىمداماسى. قۇجاتتا جالپى قۇنى 1,3 تريلليون تەڭگەنى قۇرايتىن 158 ءىس-شارا كوزدەلگەن. تۇجىرىمدامانىڭ ىسكە اسىرىلۋ تيىمدىلىگى 10 نەگىزگى كورسەتكىش ارقىلى باعالاناتىن بولادى.
تۇجىرىمدامانىڭ باستى باسىمدىقتارىنىڭ ءبىرى – بالالار قاۋىپسىزدىگى جۇيەسىن نىعايتۋ. بۇل رەتتە ءبىلىم بەرۋ ۇيىمدارىندا جانە بالالار تۇراتىن ورتادا قاۋىپ-قاتەردىڭ الدىن الۋعا ەرەكشە نازار اۋدارىلادى. جۇمىس «ادال ازامات» باعدارلاماسىنىڭ قاعيداتتارى مەن «زاڭ جانە ءتارتىپ» تۇجىرىمداماسى اياسىندا جۇرگىزىلمەك.
سونىمەن قاتار بالالاردى قوعامدىق ماڭىزى بار جوبالارعا تارتۋ ماڭىزدى باعىتتاردىڭ ءبىرى بولىپ قالا بەرەدى. اتاپ ايتقاندا, وسكەلەڭ ۇرپاقتىڭ جاۋاپكەرشىلىگىن ارتتىرۋعا جانە بەلسەندى ازاماتتىق ۇستانىمىن قالىپتاستىرۋعا باعىتتالعان «تازا قازاقستان» ەكولوگيالىق باستاماسىنا قاتىسۋىنا باسىمدىق بەرىلەدى.
بۇل جۇمىستاردىڭ ناقتى جالعاسى رەتىندە بالالاردى قورعاۋدىڭ حالىقارالىق كۇنى اياسىندا «باقىتتى بالالىق شاق» تاقىرىبىمەن ءتۇرلى ءىس-شارالار ۇيىمداستىرىلۋدا. مەملەكەت باسشىسىنىڭ باستاماسىمەن ەلىمىزدىڭ بارلىق وڭىرلەرىندە شىعارماشىلىق, سپورتتىق جانە تانىمدىق شارالار وتكىزىلىپ, ولار وتباسىلاردى قولداۋعا, بالالاردىڭ بوس ۋاقىتىن ءتيىمدى ۇيىمداستىرۋعا جانە سالاۋاتتى ءومىر سالتىن ناسيحاتتاۋعا باعىتتالعان.
مەملەكەتتىك ساياساتتىڭ تيىمدىلىگىن باعالاۋدىڭ نەگىزگى قۇرالدارىنىڭ ءبىرى – بالالاردىڭ ءال-اۋقات يندەكسى. 2024 جىلدىڭ قورىتىندىسى بويىنشا ونىڭ رەسپۋبليكا بويىنشا ورتاشا كورسەتكىشى 58,6 باللدى قۇرادى.
2026 جىلدىڭ ءساۋىر ايىندا يندەكستى ەسەپتەۋ ادىستەمەسى جاڭارتىلىپ, بۇل وڭىرلەردەگى جاعدايدى دالىرەك باقىلاۋعا جانە قابىلدانىپ جاتقان شارالاردىڭ ناتيجەلىلىگىن جان-جاقتى باعالاۋعا مۇمكىندىك بەردى.
