وبلىس اكىمىنىڭ ءباسپاسوز قىزمەتى قىزىلقوعا اۋدانى اكىمىنىڭ ورىنباسارى ەربولات يعالي جول اپاتىنىڭ سالدارىنان كوز جۇمعانىن راستادى. جول-كولىك وقيعاسى بۇگىن «ميالى-ساعىز» ارالىعىنا قاتىنايتىن جول بويىندا بولعان, دەپ حابارلايدى Egemen.kz.
ەربولات ايدىنعالي ۇلى 1980 جىلى اتالعان اۋدانداعى جاسقايرات اۋىلىندا دۇنيەگە كەلگەن. 1997-2000 جىلدارى اتىراۋ پوليتەحنيكالىق كوللەدجىنەن «تەمىر جول كولىگىندە تاسىمالداۋدى ۇيىمداستىرۋ جانە قوزعالىستى باسقارۋ», 2004-2007 جىلدارى «اتىراۋ مۇناي جانە گاز» ينستيتۋتىنان «ەكونوميكا» ماماندىعىمەن ءبىلىم العان.
ەڭبەك جولىن قىزىلقوعا اۋداندىق «قىزىلقوعا» گازەتىندە ءتىلشى بولىپ باستاعان. 2005-2010 جىلدارى ويىل اۋىلدىق وكرۋگ اكىمى اپپاراتىندا باس مامان, 2017 جىلدىڭ 23 قاڭتارىنا دەيىن اتالعان وكرۋگتىڭ اكىمى قىزمەتىن اتقارعان.
قاراعاندى وبلىسىندا جول اپاتىنان ەكى ادام قازا تاپتى
كەيىن اۋداندىق مادەنيەت جانە تىلدەردى دامىتۋ ءبولىمىنىڭ باسشىسى, ميالى اۋىلدىق وكرۋگى اكىمى, اۋداندىق تۇرعىن ءۇي-كوممۋنالدىق شارۋاشىلىق, جولاۋشىلار كولىگى, اۆتوموبيل جولدارى جانە تۇرعىن ءۇي ينسپەكتسياسى ءبولىمىنىڭ باسشىسى بولعان.
جانتۇرشىگەرلىك جول اپاتىنان شىعىس قازاقستاندا ءۇش جىگىت كوز جۇمدى
2023 جىلدىڭ 30 قاڭتارىندا قىزىلقوعا اۋدانى اكىمىنىڭ ورىنباسارى لاۋازىمىنا تاعايىندالعان.