قۇربان ايت مەرەكەسىنە بايلانىستى 27 مامىر كۇنى بارلىق حقكو مەن مامانداندىرىلعان حقكو-لار جۇمىس ىستەمەيدى. بۇل تۋرالى «ازاماتتارعا ارنالعان ۇكىمەت» مەملەكەتتىك كورپوراتسياسى مالىمدەدى, دەپ حابارلايدى Egemen.kz.
اقپاراتقا سايكەس, بۇل كۇنى كەزەكشى بولىمدەر دە ازاماتتاردى قابىلدامايدى.
«مەرەكە كۇندەرىنەن باسقا ۋاقىتتا بارلىق حقكو مەن مامانداندىرىلعان حقكو-لار, ونىڭ ىشىندە كەزەكشى بولىمدەر دە ادەتتەگى جۇمىس كەستەسى بويىنشا قىزمەت كورسەتەدى», دەلىنگەن حابارلامادا.
ەسكە سالا كەتەيىك, ەلىمىزدە قۇربان ايت مەرەكەسىنە وراي رەسمي دەمالىس جاريالانعان. ال دەمالىس كۇندەرى ەلىمىزدە مەملەكەتتىك مەكەمەلەر, بانك بولىمشەلەرى, مەكتەپتەر مەن كوللەدجدەر, حالىققا قىزمەت كورسەتەتىن كەيبىر ورتالىقتار جۇمىس ىستەمەيدى.
بيىل قۇربان ايت مەرەكەسى ەرەكشە فورماتتا تويلانباق: باس ءمۇفتي ماڭىزدى مالىمدەمە جاسادى
ال اۋەجايلار, ۆوكزالدار مەن اۋرۋحانالار, پوليتسيا جانە توتەنشە جاعداي قىزمەتتەرى, ءىرى ساۋدا ورتالىقتارىنىڭ ءبىر بولىگى ادەتتەگى رەجيمدە جۇمىسىن جالعاستىرادى.