مادەنيەت جانە اقپارات مينيسترلىگى مۇددەلى مەملەكەتتىك ورگاندارمەن بىرلەسىپ جازعى كەزەڭدە بالالاردىڭ قاۋىپسىزدىگىن ارتتىرۋ بويىنشا 59 پۋنكتتەن تۇراتىن ارنايى مەديا جوسپار ازىرلەدى. ۇكىمەت وتىرىسىندا بالالاردىڭ بوس ۋاقىتىن اقپاراتتىق سۇيەمەلدەۋ شارالارى تۋرالى ءبىرىنشى ۆيتسە-مينيستر قانات ىسقاقوۆ باياندادى, دەپ جازادى Egemen.kz.
ۆيتسە-ءمينيستردىڭ ايتۋىنشا, 30 بەينەروليك جاسالىپ, ولار رەسپۋبليكالىق تەلەارنالاردىڭ ەفيرىندە 50 رەتتەن كوپ كورسەتىلگەن, ودان سوڭ قوعامدىق ورىنداردا ورنالاستىرۋ ءۇشىن وڭىرلەرگە بەرىلگەن. سونىمەن قاتار, وسى جازعى ماۋسىمدا وتاندىق تەلەارنالاردا بالالاردى تسيفرلىق جانە قارجىلىق ساۋاتتىلىققا ۇيرەتەتىن, سونداي-اق ۇلتتىق مادەنيەت پەن سپورتتى ىلگەرىلەتەتىن 9 جاڭا جوبا ىسكە قوسىلادى.
مينيستر: بالالاردىڭ جازعى دەمالىسى جاڭا تالاپپەن ۇيىمداستىرىلادى
جالپى العاندا, الداعى جازعى ناۋقان اياسىندا مينيسترلىك مۇراجايلار مەن تەاترلاردا 1,5 مىڭنان استام مادەني-اعارتۋ جوبالارىن ۇيىمداستىرادى. بۋراباي اۋدانىندا العاشقى رەسپۋبليكالىق شىعارماشىلىق لاگەر اشىلادى. سونداي-اق «جاسىل ەل» جاساقتارىندا 34 مىڭنان استام جاس ۋاقىتشا جۇمىسقا ورنالاستىرىلادى.
«مينيسترلىك ينتەرنەت-كەڭىستىكتە زاڭسىز كونتەنتتىڭ تارالۋىنا مونيتورينگ جۇرگىزۋ جانە شەكتەۋ جۇمىستارىن قاتار جۇرگىزىپ جاتىر. جىل باسىنان بەرى بالالاردى قۇقىققا قارسى اقپاراتتان قورعاۋ ماقساتىندا زاڭسىز اقپاراتتى قامتيتىن 6 863 ينتەرنەت-رەسۋرسقا قولجەتىمدىلىك شەكتەلدى, ال الەۋمەتتىك جەلى اكىمشىلىكتەرىنە 869 پابليكتى بۇعاتتاۋ بويىنشا 20 مىڭنان استام ماتەريال جىبەرىلدى», دەپ اتاپ ءوتتى ءبىرىنشى ۆيتسە-مينيستر.ەسكە سالا كەتەيىك, جىل باسىندا الماتىدا الاياقتىققا قاتىسى بار 17,6 مىڭ ينتەرنەت-رەسۋرس بۇعاتتالدى.