ەلىمىزدە ەكى ۋنيۆەرستيتەت ليتسەنزياسىنان ايىرىلۋى مۇمكىن. بۇل تۋرالى عىلىم جانە جوعارى ءبىلىم ءمينيسترى ساياسات نۇربەك مالىمدەدى, دەپ حابارلايدى Egemen.kz.
ءمينيستردىڭ ايتۋىنشا, قازىرگى ۋاقىتتا اتالعان ۋنيۆەرسيتەتتەرگە قاتىستى تەكسەرۋ جۇرگىزىلىپ جاتىر.
«تاعى بىرنەشە ۋنيۆەرسيتەت بويىنشا جۇمىس ءجۇرىپ جاتىر. قازىر ونىڭ ىشىندە ەكى ۋنيۆەرسيتەتكە قاتىستى ناقتى شارالار اتقارىلۋدا», دەدى ساياسات نۇربەك.
شىمكەنتتە مەكتەپ تۇلەگى 23 شەتەلدىك ۋنيۆەرسيتەتتەن شاقىرتۋ الدى
الايدا مينيستر ناقتى قاي جوعارى وقۋ ورىندارى ەكەندىگىن اتامادى. ونىڭ ايتۋىنشا, مۇنداي اقپاراتتى مەرزىمىنەن بۇرىن جاريالاۋ ستۋدەنتتەرگە كەرى اسەر ەتۋى مۇمكىن.
«بۇل جەردە جۇزدەگەن مىڭ ستۋدەنتتىڭ تاعدىرى تۇر. سوڭعى شەشىم قابىلدانباي تۇرىپ, پروتسەدۋرالىق ماسەلەلەردى جاريالاۋ دۇرىس ەمەس», دەدى مينيستر.
ەسكە سالا كەتەيىك, بۇعان دەيىن مينيستر بيىل تالاپكەرلەرگە 89 مىڭنان استام مەملەكەتتىك گرانت بولىنگەنىن ايتقان بولاتىن.