الماتىدا ءوتىپ جاتقان Almaty Superski تاۋ كۋرورتى جوباسىنا ارنالعان قوعامدىق تىڭداۋدا قوعام قايراتكەرى مۇحتار تايجان جوبانى قولداپ ءسوز سويلەدى. ول كوكجايلاۋ توڭىرەگىندە كوپ جىلدان بەرى قالىپتاسقان كۇمان مەن قورقىنىشتاردىڭ باسىم بولىگى بۇرىنعى تاپتاۋرىن تۇسىنىكتەرگە نەگىزدەلگەنىن تىلگە تيەك ەتتى, دەپ حابارلايدى Egemen.kz.
سپيكەر سوڭعى 13 جىلدا اۋماقتىڭ ينفراقۇرىلىمسىز قالعانىن سىنعا الىپ, سونىڭ سالدارىنان قاۋىپسىزدىك ماسەلەلەرى, قوقىس پەن تابيعاتقا تۇسەتىن سالماق ارتقانىن ايتتى. ونىڭ پىكىرىنشە, زاماناۋي تۋريستىك ينفراقۇرىلىم بۇل تۇيتكىلدەردى جۇيەلى تۇردە شەشۋگە مۇمكىندىك بەرمەك.
مۇحتار تايجان جوبا اياسىندا تۇرعىن ءۇي كەشەندەرى سالىنبايتىنىن, جەر مەملەكەت مەنشىگىندە قالاتىنىن ەرەكشە اتاپ ءوتتى. سونداي-اق كۋرورت حالىقارالىق دەڭگەيدەگى تۋريزم ورتالىعىنا اينالىپ, الماتى ەكونوميكاسىنا سەرپىن بەرۋى مۇمكىن ەكەنىن جەتكىزدى.
مۇحتار تايجان: «Almaty Superski» جوباسى 20 مىڭعا دەيىن جۇمىس ورنىن اشۋى مۇمكىن
قوعام بەلسەندىسى جوبا بالالار سپورتى مەن قىسقى ءتۋريزمدى دامىتۋعا دا جول اشاتىنىن اتاپ ءوتتى. مەكتەپ وقۋشىلارىن شاڭعى سپورتىنا تەگىن باۋلۋ تاجىريبەسىن ەۋروپا ەلدەرىندەگىدەي ەنگىزۋگە مۇمكىندىك تۋماق.
مۇحتار تايجان ەكولوگيا, قار, كوشكىن جانە سۋ رەسۋرستارى توڭىرەگىندەگى الاڭداۋشىلىقتارعا دا توقتالا كەلە, قازىرگى تەحنولوگيالار قاۋىپسىزدىك پەن تابيعاتتى قورعاۋ تالاپتارىن قامتاماسىز ەتۋگە قابىلەتتى ەكەنىن اتاپ ءوتتى. سونىمەن قاتار تاريحي-مادەني مۇرا نىساندارى ساقتالىپ, باعىتتاردىڭ ءبىر بولىگىنە اينالاتىنىن جەتكىزدى.