الماتىدا وتكەن «Almaty Superski» جوباسىنا ارنالعان قوعامدىق تىڭداۋدا قوعام قايراتكەرى مۇحتار تايجان تاۋ شاڭعىسى كۋرورتىنىڭ ەكونوميكالىق جانە الەۋمەتتىك تيىمدىلىگىنە توقتالدى. ونىڭ ايتۋىنشا, جوبا مەگاپوليستىڭ تۋريزم سالاسىنا سەرپىن بەرىپ, مىڭداعان جاڭا جۇمىس ورنىن اشۋعا مۇمكىندىك بەرەدى, دەپ حابارلايدى Egemen.kz.
سپيكەردىڭ سوزىنشە, جوباعا سالىناتىن ينۆەستيتسيا ءوزىن قىسقا مەرزىم ىشىندە اقتاي الادى.
«ەگەر ينۆەستيتسيا كولەمى شامامەن 1 ميلليارد ەۋرو بولسا, بۇل جوبا 3-5 جىل ىشىندە ءوزىن تولىق اقتاۋى مۇمكىن», دەدى مۇحتار تايجان.
ول سونداي-اق جوبانىڭ الەۋمەتتىك ماڭىزىنا ەرەكشە نازار اۋداردى. قوعام قايراتكەرىنىڭ پىكىرىنشە, كۋرورت جوعارى تابىستى تۋريستەردى تارتۋعا باعىتتالۋى ءتيىس.
«مەن بۇل جوبانىڭ كۋرشەۆەلدەن دە قىمبات بولعانىن قولدايمىن. سوندا مۇندا اۋقاتتى تۋريست كەلەدى. بۇل – 20 مىڭعا دەيىن جاڭا جۇمىس ورنى دەگەن ءسوز», دەدى ول.
ايدا بالاەۆا: Almaty Superski تاۋداعى ءتۋريزمدى دامىتۋدىڭ ۇلگىسىنە اينالۋعا ءتيىس
مۇحتار تايجان تۋريزمنەن تۇسەتىن تابىستى الەۋمەتتىك قولداۋعا جۇمساۋعا بولاتىنىن ايتتى.
«اۋقاتتى تۋريستەردەن تۇسەتىن قارجى ەسەبىنەن كوپبالالى وتباسىلارعا, ارداگەرلەرگە جانە مۇمكىندىگى شەكتەۋلى ازاماتتارعا سۋبسيديا بەرۋگە مۇمكىندىك تۋادى», دەدى سپيكەر.
سونىمەن قاتار ول تاۋ ءتۋريزمىن دامىتۋ بالالار سپورتىنا دا وڭ اسەر ەتەتىنىن اتاپ ءوتتى.
ء«بىزدىڭ بالالار اۆستريا مەن شۆەيتسارياداعىداي شاڭعى تەبۋدى تەگىن ۇيرەنە الادى», دەدى مۇحتار تايجان.
سپيكەردىڭ بۇل سوزدەرى زالدا وتىرعان جۇرتشىلىقتىڭ قىزۋ قولداۋىنا يە بولدى.
بۇعان دەيىن قازاقستاندا تۋريزم سالاسى تۇراقتى ءوسىم كورسەتىپ وتىرعانى تۋرالى حابارلاعانبىز.