«Almaty Superski» جوباسى بويىنشا الماتىدا وتكەن قوعامدىق تىڭداۋلاردا قوعام قايراتكەرى مۇحتار تايجان تۋريستىك باستامانى قولدايتىنىن جەتكىزدى, دەپ حابارلايدى Egemen.kz.
ءسوز بارىسىندا سپيكەر جوبانى تالقىلاۋ ۇزاق ۋاقىت بويى «ميفتەر مەن قورقىنىشتار» اياسىندا قالىپ قويعانىن اتاپ ءوتىپ, اۋماقتىڭ دامۋ الەۋەتى تۋرالى ايتتى.
«13 جىل ۋاقىت ءوتتى. بۇدان نە شىقتى؟ قايعىلى وقيعالار مەن جاراقاتتار ورىن الىپ, قوقىس, تاپتالعان سوقپاقتار مەن لاستانعان اۋماقتار قالدى», دەگەن قوعام قايراتكەرى ينفراقۇرىلىمنىڭ بولماۋى تابيعاتقا تۇسەتىن سالماقتى ارتتىرعانىنا باسا ءمان بەردى.
كوكجايلاۋدا «Almaty Superski» كۋرورتىن سالۋ بويىنشا قوعامدىق تىڭداۋ باستالدى
سونداي-اق ول جوبا اياسىندا تۇرعىن ءۇي قۇرىلىستارى جۇرگىزىلمەيتىنىن جەتكىزدى.
«وندا تۇرعىن ءۇي كەشەندەرى دە, قورشاۋلار دا بولمايدى. جەر مەملەكەت مەنشىگىندە قالادى جانە ەرەكشە قورعالاتىن تابيعي اۋماقتارعا جاتادى», دەدى مۇحتار تايجان.
قوعامدىق تالقىلاۋدا سپيكەر سوزىنە قاتىسۋشى جاستار قولداۋ ءبىلدىردى.
ايتا كەتەيىك, «Almaty Superski» جوباسى – الماتى قالاسىنىڭ ماڭىندا حالىقارالىق دەڭگەيدەگى زاماناۋي تاۋ كۋرورتىن قۇرۋعا باعىتتالعان كەشەندى باستاما. جوبا اياسىندا قىسقى ءتۋريزمدى (شاڭعى, سنوۋبورد) دامىتۋمەن قاتار, جاياۋ سەرۋەن باعىتتارىن, ەكوتۋريزمدى دامىتۋ كوزدەلگەن.