اتىراۋ وبلىسىنىڭ قۇرمانعازى اۋدانىندا بيىل 625 مەكتەپ ءبىتىرۋشى مەكتەپپەن قوشتاسقان. ال ونىڭ 85-ءى ەگىز تۇلەكتەر بولعان, دەپ حابارلايدى Egemen.kz.
وبلىستىق ءبىلىم باسقارماسى ءباسپاسوز قىزمەتىنىڭ مالىمەتىنشە, تۇلەكتەر اراسىنداعى ەگىزدەردىڭ مۇنشالىق كوپ بولۋى بيىلعى وقۋ جىلىنىڭ باستى ەرەكشەلىكتەرىنىڭ بىرىنە اينالعان. مەكتەپ وكىلدەرى مۇنداي جاعداي بۇرىن-سوڭدى بولماعانىن ايتادى.
ەلوردادا جاڭا وقۋ جىلىندا قانشا مەكتەپ سالىنادى؟
ەڭ كوپ ەگىزدەر ەڭبەكشى, س.مۇقانوۆ, د.نۇرپەيىسوۆا جانە ع.مۇسىرەپوۆ اتىنداعى مەكتەپتەردە ءبىلىم العان. ولاردىڭ اراسىندا توعىزىنشى سىنىپ تۇلەكتەرى دە بار.
ايتا كەتەيىك, بيىل ەلىمىزدە 215 مىڭنان استام وقۋشى مەكتەپپەن قوشتاستى.