كوپبالالى وتباسىلار جاردەماقىنى قالاي الادى؟

بۇگىندە كوپبالالى وتباسى­لارعا جاردەماقى تاعايىن­­داۋ جۇيەسى اۆتومات­تان­دىرىلعان. قىزمەتتى پرواكتيۆتى فورماتتا دا الۋعا بولادى. مىسالى, ۇيدە 4 بالا بار, اناسى بەسىنشى پەرزەنتىن دۇنيەگە اكەلدى دەلىك. جاڭا تۋعان با­لانىڭ جسن-ءى تىركەلگەن كۇنى اناسىنىڭ سمارتفونىنا SMS حابارلاما كەلەدى. وندا بالا تۋ بويىنشا بالانىڭ 1,5 جاسقا دەيىنگى كۇتىمىنە كوپبالالى وتباسى رەتىندە جاردەماقىنىڭ ءۇش ءتۇرى تاعايىندالاتىنى كورسەتىلەدى. ەگەر وسى SMS-كە كوپبالالى انا 3 كۇن ىشىندە جاۋاپ بەرسە, وندا تولەمدەر اۆتوماتتى تۇردە تاعايىندالادى. وسى­لايشا, اۋەلى جاردەماقى تا­عايىنداۋعا قىزمەت الۋ­شىنىڭ پرواكتيۆتى قىز­مەت كورسەتۋگە كەلىسىمى قا­جەت. سوسىن ۇيالى بايلانىس ابونەنتتىك قۇرىلعىسى ارقى­لى بانكتىك شوت ءنومىرىن راستاۋى نەمەسە ۇسىنۋعا ءتيىس. سوندا جاردەماقى مەن باسقا دا تولەمدەر ءبىر شوتقا تۇسەدى.

ەگەر SMS-كە قانداي دا ءبىر سەبەپتەرمەن جاۋاپ بەرىلمەسە, وندا ەكىنشى دەڭگەيلى بىرنەشە بانكتەن نەمەسە حالىققا قىزمەت كور­سەتۋ ورتالىعىنان ءوتىنىش بەرۋگە بولادى. قىزمەت «ەلەكتروندىق ۇكىمەت» ۆەب-پور­تالىندا دا قولجەتىمدى. بۇل رەتتە ەلەكتروندىق ءوتى­نىش نىسانى تولتىرىلادى. ال بالالار تۋرالى, نەكە قيۋ (بۇزۋ), قورعانشىلىق (قامقورشىلىق), تۋ تۋرالى اكت جازباسىنان اسىراپ الۋ تۋرالى مالىمەتتەر ءتيىستى مەملەكەتتىك اقپاراتتىق جۇيە­لەردەن اۆتوماتتى تۇر­دە الىنادى. ءوتىنىش بەرۋ­شى تەك بانكتىك شوت دەرەك­­تەرىن كورسەتىپ, ءوتىنىشتى ەتسق ارقىلى راستايدى. ەگەر ونلاين قىزمەتتى پايدالانۋ مۇمكىندىگى بولماسا, ءوتىنىش­تى «ازاماتتارعا ارنالعان ۇكىمەت» مەملەكەتتىك كور­پو­راتسياسىنىڭ بولىم­شەلەرى ارقىلى دا بەرۋگە بولادى. بۇل جاعدايدا جەكە باسىن كۋالاندىراتىن قۇجات نەمەسە تسيفرلىق قۇجاتتار سەرۆيسىنەن الىنعان ەلەكتروندى قۇجات ۇسىنىلادى. ەسكەرەتىن جايت, اتا-انا جار­دەماقى تۋرالى حابارلامانى جاۋاپسىز قال­دىرىپ, ءبىر ايعا دەيىن ءوتىنىش تولتىرماسا, وندا وتكەن ايىنا كوپبالالى انا رەتىندە جاردەماقى الا المايدى. ياعني كوپبالالى وتباسىلارعا جار­دەماقى ءوتى­نىش­تى تاپسىرعان ساتتەن تا­عايىن­دالىپ, تولە­نەدى. بۇل رەتتە وتباسىلار ءۇشىن ەڭ دۇرىسى ءارى ءتيىمدىسى – SMS-حابارلاماعا دەر كەزىندە جاۋاپ بەرىپ, جاردەماقىنى ۋاقى­تىندا الۋ.