قازاقستاندا زەينەتاقى جيناقتارىن مەرزىمىنەن بۇرىن الۋ ەرەجەلەرى وزگەرتىلدى. ۇكىمەت جاڭا زەينەتاقى جۇيەسىنە قاتىستى ەسەپتەۋ ادىستەمەسىن بەكىتتى, دەپ حابارلايدى Egemen.kz.
جاڭا تارتىپكە سايكەس, ەندى زەينەتاقىدان الۋعا بولاتىن «جەتكىلىكتى شەك» قايتا ەسەپتەلەدى. بۇل شەك – ەسەپشوتتا قالۋى ءتيىس ەڭ تومەنگى سوما سانالادى.
ەسەپتەۋ كەزىندە جىلدىق تابىس مولشەرى – 9 پايىز جانە زەينەتاقى تولەمدەرىن يندەكستەۋ دەڭگەيى – 8 پايىز كولەمىندە قارالادى. وسى ارقىلى مەملەكەت زەينەتاقى قورىنداعى اقشانىڭ بولاشاقتا قانشا ۋاقىتقا جەتەتىنىن قايتا ەسەپتەيدى. وسىلايشا ءار جاستاعى ازامات ءۇشىن «جەتكىلىكتى سوما» انىقتالادى.
جاڭا ەرەجەگە ساي, جەتكىلىكتى شەك وتكەن جىلعى دەڭگەيدەن تومەن بولمايدى. سونىمەن قاتار ول ينفلياتسيا بولجامىنان دا جوعارى دەڭگەيدە ەسەپتەلەدى.
زەينەتاقى جيناعىنىڭ شەكتى دەڭگەيى وزگەرەدى: ەندى اقشا قالاي ەسەپتەلەدى؟
جاڭا ادىستەمە رەسمي جاريالانعاننان كەيىن 10 كۇننەن سوڭ كۇشىنە ەنەدى. بىرىڭعاي جيناقتاۋشى زەينەتاقى قورى 2026 جىلعا ارنالعان جاڭا شەكتەردى ءۇش جۇمىس كۇنى ىشىندە جاريالايدى.
ەسكە سالا كەتەيىك, بۇعان دەيىن زەينەتاقىدان اقشا الۋ قيىنداۋى مۇمكىن ەكەندىگىن جازعان بولاتىنبىز.