ەڭبەك جانە حالىقتى الەۋمەتتىك قورعاۋ ءمينيسترى اسقاربەك ەرتاەۆ ۇكىمەت وتىرىسىندا 5,3 مىڭ وقۋشىنىڭ جۇمىسپەن قامتىلعانىن مالىمدەدى, دەپ حابارلايدى Egemen.kz.
ءمينيستردىڭ سوزىنشە, قازاقستاندا ەڭبەك ەتۋگە رۇقسات بەرىلگەن 14 پەن 18 جاس ارالىعىنداعى جاسوسپىرىمدەردىڭ سانى 1,7 ميلليونعا جەتەدى.
مينيسترلىكتىڭ اقپاراتتىق جۇيەلەرىندەگى دەرەكتەرگە سايكەس, بۇگىندە مىڭداعان وقۋشى ءتۇرلى سالادا ەڭبەك ەتىپ ءجۇر. ولاردىڭ باسىم بولىگى ساۋدا, قوعامدىق تاماقتانۋ, ويىن-ساۋىق جانە دەمالىس قىزمەتتەرى باعىتىندا جۇمىس ىستەيدى.
جاسوسپىرىمدەر كوبىنە كوگالداندىرۋ جۇمىسشىسى, كۋرەر, داياشى, ساتۋشى-كەڭەسشى, اسپاز كومەكشىسى جانە انيماتور سەكىلدى قىزمەتتەردى اتقارادى. ءمينيستردىڭ ايتۋىنشا, بۇل جۇمىستار وقۋشىلاردىڭ العاشقى ەڭبەك تاجىريبەسىن قالىپتاستىرۋعا مۇمكىندىك بەرەدى.
ايتا كەتەيىك, قازاقستان بويىنشا بيىل 215 مىڭنان استام وقۋشى مەكتەپ بىتىرەدى.