ۇكىمەت وتىرىسىندا عىلىم جانە جوعارى ءبىلىم ءمينيسترى ساياسات نۇربەك ۋنيۆەرسيتەتتەردە وقۋ جىلىنىڭ اياقتالعانى جانە ۇلتتىق بىرىڭعاي تەستىلەۋ وتكىزىلگەنى تۋرالى باياندادى. ول جالپى جوعارى ءبىلىم بەرۋ جۇيەسى وقۋ جىلىن تۇراقتى رەجيمدە اياقتاعانىن اتاپ ءوتتى, دەپ جازادى Egemen.kz.
ءمينيستردىڭ ايتۋىنشا, ۇبت-عا قاتىسۋعا 239 مىڭنان استام ادام تىركەلگەن, ونىڭ ىشىندە وتكەن جىلدار مەن كوللەدجدەردىڭ تۇلەكتەرى بار. ال 200 مىڭعا جۋىعى بيىلعى جىلدىڭ تۇلەكتەرى.
بۇگىنگى تاڭدا ۇبت وتكىزۋ ءۇشىن بارلىق مۇددەلى مەملەكەتتىك ورگاندار ۇيلەستىرىلگەن. بارلىق وڭىرلەردە جەرگىلىكتى اتقارۋشى ورگانداردىڭ, قۇقىق قورعاۋ قۇرىلىمدارىنىڭ, جوعارى وقۋ ورىندارى مەن ءبىلىم باسقارمالارىنىڭ قاتىسۋىمەن مەملەكەتتىك كوميسسيالار قۇرىلدى.
دەپۋتات ۇبت-دان جوعارى بالل العاندارعا بەرىلەتىن سىيلىقتارعا قاتىستى پىكىر ءبىلدىردى
ۇلتتىق بىرىڭعاي تەستىلەۋ 10 مامىردان 10 شىلدەگە دەيىن وتەدى.
بيىل ۇبت فورماتى وزگەرىسسىز ساقتالدى. تالاپكەرلەر ەكى رەت تەستىلەۋدەن ءوتىپ, ۇزدىك ناتيجەمەن گرانتتار كونكۋرسىنا قاتىسا الادى. تەستىلەۋ اياقتالعاننان كەيىن قاتىسۋشىلار دۇرىس جانە بۇرىس جاۋاپتار تۋرالى اقپاراتتى عانا ەمەس, سونىمەن قاتار ناتيجەلەردىڭ تولىق تالداۋىن الا الادى.
كولىك, پاتەر نەمەسە 50 ملن تەڭگە: تارازدىق تالاپكەر ۇبت-دان 140 بالل جينادى
ايتا كەتەيىك, بيىلعى ۇبت-دا وسى ۋاقىتقا دەيىن ەرەجەنى بۇزعان 75 تۇلەكتىڭ ناتيجەلەرى جويىلدى.