الماتىدا كوكجايلاۋ شاتقالىنداعى «Almaty Superski» تاۋ كۋرورتىن سالۋ بويىنشا قوعامدىق تىڭداۋلار ءوتىپ جاتىر, دەپ حابارلايدى Egemen.kz.
Kazakh Tourism Development كومپانياسىنىڭ باستاماسىمەن قولعا الىنىپ جاتقان جوبا كوكجايلاۋ شاتقالى مەن كۇمبەل شىڭى اۋماعىندا جالپى ۇزىندىعى 65 شاقىرىمنان اساتىن شاڭعى تراسسالارى بار تاۋ-شاڭعى ينفراقۇرىلىمىن دامىتۋدى كوزدەيدى. بۇعان دەيىن جوبا وتكەن جىلى بەيرەسمي تۇردە ۇكىمەت باسشىسى ولجاس بەكتەنوۆكە تانىستىرىلعان. ال كۋرورتتىڭ جاڭارتىلعان جوسپارى 2025 جىلدىڭ قىركۇيەگىندە بەكىتىلگەن.
تىڭداۋلار بارىسىندا زالدا جوبانى قولداعان پلاكاتتارمەن كەلگەن جاستار دا بولدى. ولار تاۋ كلاستەرىن دامىتۋ جانە الماتىدا جاڭا تۋريستىك ينفراقۇرىلىم قالىپتاستىرۋ باستاماسىن قولدايتىندارىن كورسەتتى.
تالعات عازيزوۆ: قازاقستاندا تۋريزم سالاسى تۇراقتى ءوسىم كورسەتىپ وتىر
جاستاردىڭ ايتۋىنشا, تاۋ كۋرورتتارىن دامىتۋ الماتىنى حالىقارالىق تۋريستىك دەڭگەيگە شىعارۋدىڭ ماڭىزدى قادامى بولماق.
جيىندا پرەمەر-ءمينيستردىڭ ورىنباسارى – مادەنيەت جانە اقپارات ءمينيسترى ايدا بالاەۆا «Almaty Superski» جوباسى تاۋداعى ءتۋريزمدى دامىتۋدىڭ ۇلگىسىنە اينالۋعا ءتيىس ەكەنىن اتاپ ءوتتى.