قىزىلوردا قالاسىنداعى «اراي» ساياباعىنداعى اتتراكتسيوندا بولعان جازاتايىم وقيعا سالدارىنان 18 جاستاعى جىگىت اۋىر جاراقات الدى, دەپ حابارلايدى Egemen.kz
وبلىستىق كوپبەيىندى اۋرۋحانا دارىگەرلەرىنىڭ مالىمەتىنشە, 2007 جىلى تۋعان ناۋقاس جەدەل جاردەم قىزمەتىمەن اۋرۋحاناعا اسا اۋىر جاعدايدا جەتكىزىلگەن.
«2007 جىلى تۋعان, 18 جاستاعى ناۋقاس جەدەل جاردەم بريگاداسىمەن وتە اۋىر جاعدايدا جەتكىزىلدى. ناۋقاس شۇعىل تۇردە وپەراتسياعا الىندى. جۇرگىزىلگەن وتا بارىسىندا سول اياعىنا ساننىڭ جوعارعى ۇشتەن ءبىر بولىگى دەڭگەيىندە, ال وڭ اياعىنا توبىق بۋىنى دەڭگەيىندە امپۋتاتسيا جاسالدى», دەدى اۋرۋحانانىڭ باس دارىگەرى جاسۇلان بايماحانوۆ.
دارىگەردىڭ ايتۋىنشا, اۋىر جاراقات سالدارىنان ناۋقاستىڭ جاعدايى ءالى دە وتە اۋىر جانە تۇراقسىز كۇيدە قالىپ وتىر.
وقيعا 15 ماۋسىم كۇنى بولعان. الەۋمەتتىك جەلىلەردە تاراعان ۆيدەودا اتتراكتسيون جاس جىگىتتىڭ اياعىن قىسىپ قالعانى كورىنەدى.
جەلى قولدانۋشىلارى زارداپ شەككەن ازاماتقا شۇعىل تۇردە قان قاجەت ەكەنىن دە حابارلاعان.
استانادا بالالار مىنگەن اتتراكتسيون قۇلادى: ساياباق باسشىلىعى وقيعانىڭ سەبەبىن ءتۇسىندىردى