الماتى وبلىسى تالعار اۋدانىنداعى بەسقاينار اۋىلىندا الماتى تاۋ كلاستەرىن دامىتۋ جوباسىنا ارنالعان قوعامدىق تىڭداۋ ءوتىپ جاتىر. جيىندا تۋريستىك ينفراقۇرىلىمدى جەتىلدىرۋ, ىلە الاتاۋى تابيعاتىن ساقتاۋ, ەكولوگيالىق تۇراقتىلىق جانە جوبالاردىڭ الەۋمەتتىك اسەرى كەڭىنەن تالقىلانۋدا, دەپ حابارلايدى Egemen.kz.
قوعامدىق تىڭداۋ بارىسىندا تۇرعىندار مەن ساراپشىلار جوباعا قاتىستى ۇسىنىس-پىكىرلەرىن ءبىلدىرىپ, وڭىردە زاماناۋي تاۋ ءتۋريزمىن دامىتۋ باستاماسىنا قىزىعۋشىلىق جوعارى ەكەنىن اتاپ ءوتتى. كوپشىلىك جوبا ايماقتىڭ تۋريستىك الەۋەتىن ارتتىرۋعا مۇمكىندىك بەرەدى دەگەن پىكىر ايتتى.
الماتى تاۋ كلاستەرى جوباسى حالىقارالىق دەڭگەيدەگى جىل بويى جۇمىس ىستەيتىن زاماناۋي تاۋ ەكوجۇيەسىن قالىپتاستىرۋدى كوزدەيدى. ونىڭ اياسىندا اسپالى جولدار, ءتۇرلى دەڭگەيدەگى شاڭعى تراسسالارى, تۋريستىك نىساندار سالۋ جوسپارلانعان. سونىمەن قاتار جازعى دەمالىس تۇرلەرىن دامىتۋعا دا باسىمدىق بەرىلمەك. اتاپ ايتقاندا, حايكينگ باعىتتارى, ۆەلوجولدار جانە بەلسەندى دەمالىسقا ارنالعان وزگە دە ينفراقۇرىلىم جاسالادى.
ايدا بالاەۆا: Almaty Superski تاۋداعى ءتۋريزمدى دامىتۋدىڭ ۇلگىسىنە اينالۋعا ءتيىس
جوبا شەڭبەرىندە شىمبۇلاق كۋرورتى مەن Oi-Qaragai دەمالىس ايماعىن كىماسار, بۋتاكوۆ شاتقالدارى جانە «پيونەر» كۋرورتى ارقىلى بايلانىستىراتىن اسپالى جولدار مەن تراسسالار جۇيەسىن سالۋ قاراستىرىلعان.
تالقىلاۋ بارىسىندا ەكولوگيالىق تۇراقتىلىق جوبانى جۇزەگە اسىرۋداعى نەگىزگى قاعيدالاردىڭ ءبىرى ەكەنى ەرەكشە ايتىلدى. سونداي-اق «پيونەر» كۋرورتىنىڭ الەۋمەتتىك جانە ينكليۋزيۆتى باعىتى ساقتالاتىنى اتاپ ءوتىلدى.
تالعات عازيزوۆ: قازاقستاندا تۋريزم سالاسى تۇراقتى ءوسىم كورسەتىپ وتىر