يسپانيانىڭ دەنساۋلىق ساقتاۋ مينيسترلىگى ءساۋىر ايىندا ىندەت تاراعان MV Hondius كرۋيزدىك لاينەرىنىڭ جولاۋشىسى بولعان 14 يسپان ازاماتى اراسىندا حانتاۆيرۋس جۇقتىرۋدىڭ جاڭا جاعدايىن راستادى, دەپ جازادى Egemen.kz.
قازىرگى ۋاقىتتا اۋرۋ بەلگىلەرى جوق پاتسيەنت جوعارى دەڭگەيلى وقشاۋلاۋ بولىمىنە اۋىستىرىلىپ, ارنايى مەديتسينالىق باقىلاۋعا الىندى. ۆەدومستۆونىڭ حابارلاۋىنشا, قاتاڭ بيولوگيالىق قاۋىپسىزدىك حاتتاماسى ساقتالىپ وتىر.
فرانتسيادا حانتاۆيرۋس جۇقتىرعان العاشقى ادام انىقتالدى
مينيسترلىك بۇل جاڭا جاعداي جالپى حالىق ءۇشىن قاۋىپ دەڭگەيىن وزگەرتپەيتىنىن جانە قازىرگى ەپيدەميولوگيالىق شارالارعا اسەر ەتپەيتىنىن اتاپ ءوتتى.
بۇل مادريدكە ەۆاكۋاتسيالانعان يسپان ازاماتتارى اراسىنداعى حانتاۆيرۋس جۇقتىرۋدىڭ ەكىنشى جاعدايى. العاشقى ناۋقاستىڭ بەلگىلەر پايدا بولعاننان كەيىن جاعدايى جاقسارىپ كەلە جاتقانى حابارلاندى.
نيدەرلاندىدا 12 مەديتسينا قىزمەتكەرى حانتاۆيرۋسقا بايلانىستى وقشاۋلاندى
فرانتسيانىڭ بوردو پورتىندا Ambition كەمەسىندە بولعان جاعدايعا بايلانىستى 1 700-دەن استام ادام كارانتينگە الىندى. ولاردىڭ قاتارىندا شامامەن 1 200 جولاۋشى جانە 500-دەن استام ەكيپاج مۇشەسى بار.