تانىمال PR-شى, ەۋرازيالىق تاۋ كۋرورتتارى اليانسىنىڭ باس حاتشىسى ءارى ءوزى دە تاۋ شاڭعىسىمەن تۇراقتى تۇردە اينالىساتىن اندرەي كۋكۋشكين الەمنىڭ كوپ مەملەكەتتەرىن ارالاعانىن, تاۋداعى كۋرورتتارىمەن شاڭعى جولدارىمەن تانىس ەكەندىگىن ايتا كەلە, الماتى تاۋ كلاستەرى باسەكەگە قابىلەتتى جانە كوكجايلاۋ جوباسىنىڭ ەكونوميكاعا قىزمەت ەتەتىن كەزى كەلگەنىن اتاپ ءوتتى, دەپ حابارلايدى Egemen.kz.
تاۋ كۋرورتتارى اليانسىنىڭ وكىلى اندرەي كۋكۋشكين جوبانىڭ بەلسەندى قولداۋشىسى رەتىندە كوماندا 2014 جىلدان باستاپ ەكولوگيالىق ماسەلەلەردى باستى نازارعا قويعانىن مالىمدەدى. ونىڭ ايتۋىنشا, تاۋلى ايماعى بار بىشكەكتىڭ ءوزى قالا اۋماعىنا جاقىن جەردە الماتىدا جوسپارلانىپ وتىرعانداي اۋقىمدى ەكونوميكالىق جۇيە قالىپتاستىرا العان جوق.
سونداي-اق ول كۋرورت قۇرىلىسى حالىقتىڭ ءال-اۋقاتىنا وڭ اسەر ەتەتىنىن اتاپ ءوتتى. جوبا جاستاردىڭ بازاردا نەمەسە بىلىكتىلىكتى قاجەت ەتپەيتىن جۇمىستاردا ەمەس, جوعارى تەحنولوگيالىق سالادا ەڭبەك ەتۋىنە مۇمكىندىك بەرەدى.
ايدا بالاەۆا: Almaty Superski تاۋداعى ءتۋريزمدى دامىتۋدىڭ ۇلگىسىنە اينالۋعا ءتيىس
ال قازاقستانداعى العاشقى سنوۋبوردشى سەرگەي سپيتسىننىڭ ايتۋىنشا, قازىر شەتەلدىك قوناقتاردىڭ الدىندا ۇيالاتىنداي جاعداي جوق. ونىڭ سوزىنشە, كوكجايلاۋ – الەمدەگى ەڭ ادىلەتسىز باعالانعان كۋرورتتاردىڭ ءبىرى. ءوزى تۋرالى ايتا كەلە, ول بۇل تاۋ كلاستەرىنىڭ ەڭ ۇلكەن قولداۋشىلارىنىڭ ءبىرى ەكەنىن, تەك بارلىق جۇمىس قولدانىستاعى زاڭناما اياسىندا جۇرگىزىلۋى كەرەك ەكەنىن ايتتى.
ء«بىز شۆەيتسارياداعىداي ۇزىندىعى 10 شاقىرىم بولاتىن تاۋ سوقپاعىن سالىپ, ونى قالاعا سىيلاعىمىز كەلەدى», دەدى ول سنوۋبوردشىلار قاۋىمداستىعى اتىنان.
مۇحتار تايجان: «Almaty Superski» جوباسى 20 مىڭعا دەيىن جۇمىس ورنىن اشۋى مۇمكىن
الماتى تاۋ كلاستەرىن دامىتۋعا ارنالعان قوعامدىق تىڭداۋدا قاۋىپسىزدىك ماسەلەلەرى كاسىبي دەڭگەيدە پىسىقتالىپ جاتقانى ايتىلدى.
قازنيسا وكىلى بەتكەيلەردى بەكىتۋ, توپىراقتى قورعاۋ جانە وزگە دە قاۋىپسىزدىككە قاتىستى ماسەلەلەر جان-جاقتى سارالانىپ, مۇقيات ەسكەرىلىپ جاتقانىن جەتكىزدى. بۇل پىكىر كوكجايلاۋ تاۋ-شاڭعى كۋرورتى جوباسىنا قاتىستى تالقىلاۋ بارىسىندا قويىلعان سۇراققا جاۋاپ رەتىندە ايتىلدى.
Almaty Superski: كوكجايلاۋدا قاۋىپسىزدىك قالاي قامتاماسىز ەتىلەدى؟
الماتى تاۋ كلاستەرىن دامىتۋعا ارنالعان قوعامدىق تىڭداۋدا تاريحي جانە ارحەولوگيالىق ەسكەرتكىشتەردىڭ قۇندىلىعى ەسكەرىلەتىنى ايتىلدى.
وتاندىق عالىمدارمەن ءوزارا ءىس-قيمىل ماسەلەسىنە توقتالعان Kazakh Tourism Dev. LTD كومپانياسىنىڭ باس اتقارۋشى ديرەكتورى ەرجان ەركىنباەۆ ساۋلەتشىلەردىڭ ۇستانىمدارى پروفيلدىك ينستيتۋتپەن بىرلەسىپ تالقىلانعانىن مالىمدەدى.
سپيكەردىڭ ايتۋىنشا, كوكجايلاۋ اۋماعىندا رەسمي تىركەلگەن ساۋلەت ەسكەرتكىشتەرى جوق. سونىمەن قاتار اۋماقتا 123 ارحەولوگيالىق نىسان انىقتالعان. ونىڭ 46-سى ساقتالادى, ال قالعاندارى بويىنشا مۋزەيلەندىرۋ جۇمىستارى جۇرگىزىلەدى.
ەرجان ەركىنباەۆتىڭ سوزىنشە, بۇل تۋريستەر اعىنىن ارتتىرۋعا دا جاڭا مۇمكىندىك بەرەدى.