الماتىدا كوك-جايلاۋ شاتقالىنداعى Almaty SuperSki تاۋ كۋرورتى جوباسىنا قاتىستى قوعامدىق تىڭداۋلار جالعاسىپ جاتىر. تالقىلاۋدىڭ نەگىزگى تاقىرىپتارىنىڭ ءبىرى – جوبانىڭ ەڭبەك نارىعىنا اسەرى مەن جاستار ءۇشىن اشىلاتىن مۇمكىندىكتەرى تۋرالى بولدى, دەپ جازادى Egemen.kz.
تىڭداۋ بارىسىندا قوعامدىق كەڭەس مۇشەسى ەرمەك قوجامسۇگىروۆ جوبا اياسىندا شامامەن 15 مىڭ جۇمىس ورنى اشىلادى دەگەن اقپاراتتىڭ راس-وتىرىگىن سۇرادى. جوبا وكىلدەرى قۇرىلىس كەزەڭىندە دە, كۋرورت ىسكە قوسىلعاننان كەيىن دە مىڭداعان جاڭا جۇمىس ورنى قۇرىلاتىنىن راستادى.
ء«يا, جۇمىس ورىندارى اشىلادى. بۇل – اۋقىمدى ينفراقۇرىلىمدىق ءارى تۋريستىك جوبا. وعان قۇرىلىس, سەرۆيس, قوناقۇي بيزنەسى, كولىك, سپورت جانە تۋريزم سالالارىنىڭ ماماندارى قاجەت بولادى», دەلىندى تالقىلاۋ بارىسىندا.
اندرەي كۋكۋشكين: الماتى تاۋ كلاستەرىنىڭ ەكونوميكاعا قىزمەت ەتەتىن كەزى كەلدى
تىڭداۋ قاتىسۋشىلارى تاۋ كلاستەرىن دامىتۋ قازاقستانداعى جاس مامانداردى ەلدە ۇستاپ قالۋدىڭ ماڭىزدى فاكتورىنا اينالۋى مۇمكىن ەكەنىن دە اتاپ ءوتتى. جوبا قولداۋشىلارىنىڭ پىكىرىنشە, زاماناۋي جۇمىس ورىندارىنىڭ اشىلۋى مەن حالىقارالىق ءتۋريزمنىڭ دامۋى جاستارعا شەتەلگە كەتپەي-اق الماتىدا مانساپ قۇرۋعا مۇمكىندىك بەرەدى.
«قالادا حالىقارالىق دەڭگەيدەگى ءىرى جوبالار پايدا بولعان كەزدە جاستار ءوز ەلىندە دامۋ مۇمكىندىگىن كورەدى. بۇل كادرلاردىڭ شەتەلگە كەتۋىن ازايتۋعا تىكەلەي اسەر ەتەدى», دەگەن پىكىر ايتىلدى تىڭداۋ بارىسىندا.
قاتىسۋشىلاردىڭ سوزىنشە, Almaty SuperSki تەك تۋريستىك نىسان رەتىندە ەمەس, شاعىن جانە ورتا بيزنەسكە جاڭا مۇمكىندىك بەرەتىن, الماتىنىڭ ينۆەستيتسيالىق تارتىمدىلىعىن ارتتىراتىن ءارى قالانىڭ حالىقارالىق تۋريستىك ورتالىق رەتىندەگى مارتەبەسىن كۇشەيتەتىن ۇزاقمەرزىمدى ەكونوميكالىق جوبا رەتىندە قاراستىرىلىپ وتىر.
اتالعان جوبا شەڭبەرىندە 20 مىڭعا دەيىن جۇمىس ورنى اشىلۋى مۇمكىن ەكەنى ايتىلعان ەدى.