مەملەكەت باسشىسى بۇۇ دۇنيەجۇزىلىك مەتەورولوگيا ۇيىمىنىڭ پرەزيدەنتى, ءباا ۇلتتىق مەتەورولوگيا ورتالىعىنىڭ باس ديرەكتورى ابدۋللا ءال-ماندۋستى قابىلدادى, دەپ حابارلايدى Egemen.kz.
كەزدەسۋدە پرەزيدەنت قاسىم-جومارت توقاەۆ بۇۇ-نىڭ ارناۋلى مەكەمەسى سانالاتىن دۇنيەجۇزىلىك مەتەورولوگيا ۇيىمى كليمات, اۋا رايى, سۋ رەسۋرستارى جانە تابيعي اپاتتاردىڭ قاتەرىن ازايتۋ باعىتىنداعى جاھاندىق ىنتىماقتاستىقتى ىلگەرىلەتۋدە نەگىزگى ءرول اتقاراتىنىن اتاپ ءوتتى.
مەملەكەت باسشىسى مەن ۇيىم جەتەكشىسى قازاقستان ءۇشىن ستراتەگيالىق مانگە يە كليمات ماسەلەلەرىنە ەرەكشە نازار اۋداردى. اتاپ ايتقاندا, ەرتە حابارلاۋ جۇيەسىن دامىتۋ, مەتەورولوگيالىق ينفراقۇرىلىمدى جاڭعىرتۋ جانە عىلىمي دەرەكتەر الماسۋ وتە ماڭىزدى.
پرەزيدەنت قازاقستان تاراپىنىڭ ءباا ۇلتتىق مەتەورولوگيا ورتالىعىمەن ءوزارا بايلانىستى ارتتىرۋعا دايىن ەكەنىن راستادى.
جاساندى جاڭبىر جاۋدىرادى
بۇدان بولەك, وڭىرلىك جانە جاھاندىق دەڭگەيدەگى سۋ قاۋىپسىزدىگى مەن سۋ رەسۋرستارىن باسقارۋ ماسەلەلەرىن شەشۋدىڭ وزەكتىلىگىنە ءمان بەرىلدى. بۇل رەتتە قازاقستاننىڭ بۇۇ اياسىندا حالىقارالىق سۋ ۇيىمىن قۇرۋ جونىندەگى باستاماسىنىڭ ماڭىزى ايرىقشا.
تۇركىستان وبلىسى ءباا ۇلتتىق مەتەورولوگيا ورتالىعىمەن بىرگە سۋ قويمالارىن تولتىرۋ جانە اۋىل شارۋاشىلىعى جەرلەرىنە سۋ جەتكىزۋ ماقساتىندا جاۋىن-شاشىندى جاساندى جولمەن شاقىراتىن باستامانى جۇزەگە اسىرادى. اتالعان جوبا بيىل 17 مامىردا ىسكە قوسىلادى.
جاساندى جاڭبىر ارالدى قۇتقارا الا ما؟
وسىلايشا, قازاقستان وڭىردە جاساندى جاڭبىر تەحنولوگياسىن پايدالانعان العاشقى ەل بولماق.
ايتا كەتەيىك, پرەزيدەنت بۇگىن تۇركى مەملەكەتتەرى ۇيىمىنىڭ بەيرەسمي سامميتىنە قاتىسۋ ءۇشىن تۇركىستان قالاسىنا باردى.