ورالدىق وقۋشىلار قانت ديابەتىنىڭ مولشەرىن تەكسەرەتىن قۇرىلعى ويلاپ تاپتى

يدەيا باستاۋى

«SuGuard» جوباسى كەزدەيسوق پايدا بولماعان. ونىڭ نەگىزىندە ناقتى مەديتسينالىق جانە الەۋمەتتىك ماسەلە جاتىر. جوبا اۆتورلارىنىڭ جاقىن دوسى قانت ديابەتى اۋرۋىنا شالدىققان. ونىڭ كۇندە ينە سالىپ, قينالاتىنىن كورگەن ولار جاڭا گليۋكومەتر ويلاپ تابۋدى كوزدەيدى. ءسويتىپ, ولار اۋەلى قانت ديابەتىمەن اۋىراتىن ادامدار اراسىندا ساۋالناما جۇرگىزگەن. ناتيجەسىندە, كوپ ناۋقاستىڭ قانداعى قانت دەڭگەيىن تۇراقتى باقىلاۋ كەزىندە قينالاتىنى انىقتالعان.

نەگىزگى سەبەپتەر – قۇرىلعىلاردىڭ قىمباتتىعى, تەست-جولاقتاردىڭ تۇراقتى قاجەت بولۋى, ەڭ باستىسى اۋىرسىنۋ مەن پسيحولوگيالىق قولايسىزدىق.

ء«بىز ادامداردىڭ كوپشىلىگى گليۋكوزانى تەك قاجەت كەزدە عانا ولشەيتىنىن باي­قادىق. ال تۇراقتى مونيتورينگتىڭ بولماۋى اسقىنۋلارعا الىپ كەلۋى مۇمكىن», دەيدى جوبانىڭ نەگىزىن قالاۋشى, ورال قا­لاسىنداعى نازارباەۆ زياتكەرلىك مەكتە­بىنىڭ 11-سىنىپ وقۋشىسى بەكارىس ماحسوت.

وسىدان سوڭ كوماندا قولجەتىم­دى, اۋىرت­پالىقسىز جانە زاماناۋي تەحنولوگياعا نەگىزدەلگەن شەشىم ازىرلەۋدى ماقسات ەتىپتى. 

جوبانىڭ ەرەكشەلىگى

«SuGuard» جوباسىنىڭ باستى ارتىق­شىلىعى – ءينۆازيۆتى ەمەس ءتاسىل قول­دانۋىندا. ياعني قۇرىلعى قان الماي-اق, اعزاداعى فيزيولوگيالىق كورسەتكىشتەر ارقىلى گليۋكوزا دەڭگەيىن انىقتاي الادى. ستارتاپ اۆتورلارىنىڭ وقۋشىلار ەكەنى جوبانىڭ قۇنىن ودان سايىن ارتتىرا تۇسەدى. ويتكەنى ولار كۇردەلى مەدي­تسينالىق ماسەلەنى ەرتە بايقاپ, سوعان قال-قادەرلەرىنشە ناقتى ءارى پايدالى شەشىم ۇسىنا العان.

«جۇيەنىڭ جۇمىسى جارىق ارقىلى ولشەۋ ادىسىنە نەگىزدەلگەن. قۇرىلعىداعى ارنايى سەنسور تەرىگە ينفراقىزىل ساۋلە جىبەرەدى. قانداعى قانت مولشەرى كوبەيگەن سايىن, اعزا بۇل ساۋلەنى ءسال وزگەشە قايتارادى. ياعني شاعىلعان جارىقتىڭ كۇشى قانت دەڭگەيىنە بايلانىستى وزگەرەدى. قۇرىلعى وسى جارىقتى قابىلداپ قانا قويماي, تەرى تەمپەراتۋراسىن دا ولشەيدى. ويتكەنى اعزاداعى زات الماسۋ ۇدەرىسى تەمپەراتۋراعا اسەر ەتەدى, ال بۇل كورسەتكىش ناتيجەنى دالىرەك انىقتاۋعا كومەكتەسەدى. جينالعان بارلىق مالىمەت قۇرىلعى ىشىندەگى شاعىن باسقارۋ جۇيەسىنە تۇسەدى دە, ارنايى ەسەپتەۋ ۇلگىسى ارقىلى وڭدەلەدى. بۇل ۇلگى جارىق پەن تەمپەراتۋرا اراسىنداعى بايلانىستى سارالاپ, قانداعى قانت دەڭگەيىنىڭ شاماسىن شىعارادى», دەيدى بەكارىس ماحسوت.

تاعى ءبىر ماڭىزدى ەرەكشەلىك قۇرىل­عىعا جاساندى ينتەللەكت ەنگىزىلگەن. جۇيە ۋاقىت وتە كەلە پايدالانۋشىنىڭ جەكە كورسەتكىشتەرىنە بەيىمدەلىپ, ناتيجە­لەردىڭ دالدىگىن ارتتىرا تۇسەدى. 

قوسىمشا قالاي جۇمىس ىستەيدى؟

قۇرىلعىدان الىنعان بارلىق مالى­مەت ءموبيلدى قوسىمشاعا جىبەرىلەدى. قوسىم­شا تەك ناتيجەنى كورسەتۋمەن شەكتەل­مەيدى, سونىمەن قاتار تولىق اناليتي­كالىق پلاتفورما رەتىندە جۇمىس ىستەيدى.

پايدالانۋشى بىرىنشىدەن, گليۋكوزا دەڭگەيىنىڭ وزگەرىس ديناميكاسىن باقىلاي الادى, ەكىنشىدەن, گرافيكتەر مەن ستاتيس­تيكانى كورەدى, ۇشىنشىدەن, دەنساۋلىق جاعدايىنا قاتىستى ۇسىنىستار الادى.

جاساندى ينتەللەكت الگوريتمدەرى جينالعان دەرەكتەردى تالداپ, قاۋىپ فاكتورلارىن ەرتە كەزەڭدە انىقتاۋعا مۇمكىندىك بەرەدى. بۇل – سيمپتومدار ايقىن بايقالماي تۇرىپ, الدىن الۋ شارالارىن قابىلداۋعا جول اشادى.

جوبا مەديتسينالىق قۇرىلعىلاردى تولىق الماستىرۋدى كوزدەمەيدى, كەرىسىن­شە ولاردى تولىقتىراتىن كومەكشى قۇرال رەتىندە قاراستىرىلادى.

قازىر «SuGuard» قۇرىلعىسى جەتىلدىرۋ كەزەڭىندە. جوبا كومانداسى ولشەۋ دالدىگىن ارتتىرۋ ماقساتىندا دەرەكتەر قورىن كەڭەيتىپ, الگوريتمدەردى دامىتۋ جۇمىسىن جۇرگىزىپ جاتقان كورىنەدى. ستارتاپ اۆتورلارىنىڭ ايتۋىنشا, الداعى ۋاقىتتا قۇرىلعىنى ىقشامداپ, فۋنكتسيونال كولەمىن كەڭەيتۋ, ءموبيلدى قوسىمشانى تولىق جەتىلدىرۋ, سونداي-اق مەديتسينالىق مەكەمەلەرمەن بىرلەسكەن تەستىلەۋدى جالعاستىرۋ جوسپارى بار. ستارتاپتىڭ ۇزاق مەرزىمدى ماقساتى – قانت ديابەتىن باقىلاۋدى بارشاعا قولجەتىم­دى ەتىپ, ادامداردىڭ ءومىر ساپاسىن جاقسارتۋ.

ساراپشىلاردىڭ پىكىرىنشە, مۇنداي باستامالار وتاندىق عىلىم مەن تەحنولو­گيانىڭ دامۋىنا جاڭا سەرپىن بەرەدى. مەكتەپ وقۋشىلارىنىڭ وسىنداي كۇردە­لى ماسەلەگە شەشىم ۇسىنۋى جاس بۋىن­نىڭ الەۋەتىن كورسەتەدى. ەگەر جوبا تولىق جەتىلدىرىلىپ, تاجىريبەدە كەڭىنەن قولدا­نىلسا, ول تەك ەلىمىزدە عانا ەمەس, حالىقارالىق دەڭگەيدە دە سۇرانىسقا يە بولۋى مۇمكىن.