تالدىقورعان قالاسىندا كوكپاردان ەرەسەكتەر اراسىندا وتكەن قازاقستان رەسپۋبليكاسىنىڭ چەمپيوناتى مارەسىنە جەتتى. ءدۇبىرلى دودانىڭ قورىتىندىسى بويىنشا جامبىل وبلىسىنىڭ «اۋليەاتا» كومانداسى قارسىلاس شاق كەلتىرمەي, ەل بىرىنشىلىگىنىڭ جەڭىمپازى اتاندى, دەپ حابارلايدى Egemen.kz.
توعىز كۇنگە سوزىلعان ەل چەمپيوناتىندا ەلىمىزدىڭ بارلىق وڭىرىنەن كەلگەن 19 كوماندا باق سىناپ, مىقتىنى انىقتادى.
جامبىل وبلىسىنىڭ نامىسىن قورعاعان «اۋليەاتا» ۇجىمى جارىستىڭ العاشقى كۇنىنەن-اق جوعارى دەڭگەيدەگى ويىن ورنەگىن كورسەتتى.
جاڭا فورماتتاعى ناۋرىز مەرەكەسى: روبوت-كوكپار ەل تۇرعىندارىن تاڭعالدىردى
جارتىلاي فينالدا الماتى وبلىسىنىڭ قۇراماسىمەن كەزدەسكەن جامبىلدىقتار 2:1 ەسەبىمەن قيىن جەڭىسكە جەتىپ, فينالعا جولداما الدى.
شەشۋشى كەزدەسۋدە «اۋليەاتا» مەن شىمكەنت قالاسىنىڭ كومانداسى ءتۇيىستى. تارتىستى وتەدى دەپ كۇتىلگەن ويىندا جامبىل سپورتشىلارى ەرەكشە شەبەرلىك تانىتىپ, شىمكەنت قۇراماسىن 6:0 ەسەبىمەن ويسىراتا جەڭدى.
وسى جەڭىسىنىڭ ارقاسىندا «اۋليەاتا» كومانداسى كوكپاردان قازاقستان رەسپۋبليكاسىنىڭ 16 دۇركىن چەمپيونى اتاندى.