Sony Group Corp. كومپانياسىنىڭ جاساندى ينتەللەكت بولىمشەسى مەن زەرتتەۋ توبى ۇستەل تەننيسىنەن كاسىبي ويىنشىلارمەن باسەكەلەسىپ, ولاردى جەڭە الاتىن Ace اتتى جاڭا AI-روبوتتى تانىستىردى, دەپ حابارلايدى Egemen.kz.
بۇل روبوتتىڭ باستى ەرەكشەلىگى – ول تەك دوپتى قايتارىپ قانا قويماي, دوپتىڭ اينالۋى مەن ۇشۋ تراەكتورياسىن الدىن الا بولجاپ, شەبەرلىك تانىتا الادى.
روبوتتىڭ مانيپۋلياتورى ادام قولىنان كەم تۇسپەيتىن يكەمدىلىككە يە. تەننيس ۇستەلىنىڭ اينالاسىندا ورنالاسقان كامەرالار دوپتىڭ جوعارى جىلدامدىقتاعى قوزعالىسىن قاس قاعىم ساتتە قاداعالايدى. روبوتتىڭ ءاربىر سوققىسى AI ارقىلى ناقتى ۋاقىت رەجيمىندە باسقارىلادى.
پوليتسەيلەردى روبوتتار الماستىرا ما؟ قىتاي كوشەلەرىنە «تەمىر ساقشىلار» شىقتى
سىناق حالىقارالىق ۇستەل تەننيسى فەدەراتسياسىنىڭ (ITTF) قاتاڭ ەرەجەلەرى بويىنشا وتكىزىلگەن. Ace 10 جىلدان استام تاجىريبەسى بار 5 ەليتالىق ويىنشىمەن كەزدەسىپ, ونىڭ ۇشەۋىن جەڭىپ كەتتى.
دەگەنمەن, روبوت ءالى دە كاسىبي كاسىبي اتلەتتەرگە توتەپ بەرە المايدى. ول ەكى كاسىبي ويىنشىدان جەڭىلىس تاپقانىمەن, جەتى ويىننىڭ بىرەۋىندە باسىم ءتۇسىپ, مامانداردى تاڭعالدىردى. روبوت ءتىپتى تورعا ءتيىپ, باعىتى وزگەرگەن كۇردەلى دوپتاردى دا قايتارا بىلگەن.
قىتايدا بالا باعىپ, ءۇي جينايتىن امبەباپ روبوت پايدا بولدى
عالىمداردىڭ ايتۋىنشا, Ace – AI جۇيەلەرىنىڭ فيزيكالىق شەبەرلىككە نەگىزدەلگەن ينتەراكتيۆتى ويىنداردا ادامنان وزا الاتىنىن العاش رەت دالەلدەپ وتىر.