الەۋمەتتىك جەلىلەردە پاترۋلدىك پوليتسيانىڭ تالابىن ورىنداپ, ايىپپۇل ارقالاعان ازاماتقا قاتىستى داۋلى جاعداي تالقىلانىپ جاتىر, دەپ حابارلايدى Egemen.kz.
جۇرگىزۋشىنىڭ ايتۋىنشا, ول اۋلالىق اۋماقتا تۇرعان كەزدە پاترۋلدىك پوليتسيا قىزمەتكەرلەرى وعان كولىكتى ارتقا قاراي جۇرگىزىپ, جول بەرۋىن سۇراعان. تالاپتى ورىنداۋ بارىسىندا ول كولىكتى بىرنەشە مەتر ارتقا جىلجىتقان, الايدا اۆاريالىق سيگنالدى قوسپاعانى ءۇشىن اكىمشىلىك جاۋاپكەرشىلىككە تارتىلعان.
اتالعان جاعدايدا جۇرگىزۋشىگە قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ ءتيىستى بابى بويىنشا «سىرتقى جارىق بەرۋ قۇرالدارىن جانە اۆاريالىق سيگنالدى پايدالانۋ ەرەجەلەرىن بۇزۋ» فاكتىسىمەن 5 اەك كولەمىندە ايىپپۇل سالىنعان.
الماتىدا حايۋاناتتار باعىندا ارىستانعا تاس لاقتىرعان ەر ادامعا ايىپپۇل سالىندى
جۇرگىزۋشى بۇل شەشىمنىڭ نەگىزدىلىگىنە كۇمان كەلتىرىپ, پوليتسيا قىزمەتكەرلەرىنىڭ تالابىن ورىنداعان جاعدايدا جاۋاپكەرشىلىككە تارتىلۋىنىڭ زاڭدىلىعىنا قاتىستى سۇراقتار قويعان.
ماسەلەگە قاتىستى قوعامدىق پىكىر ەكىگە ءبولىندى: ءبىر تاراپ جول قوزعالىسى ەرەجەلەرىن تولىق ساقتاۋ قاجەتتىگىن العا تارتسا, ەكىنشى تاراپ پوليتسيا قىزمەتكەرلەرىنىڭ ازاماتتاردى قۇقىق بۇزۋشىلىققا يتەرمەلەۋگە قۇقىعى جوق ەكەنىن اتاپ وتكەن.
كاسپي تەڭىزىنىڭ جاعالاۋىندا ءتارتىپ بۇزعان شەتەلدىك بلوگەرگە ايىپپۇل سالىندى
ەسكە سالا كەتەيىك, بۇعان دەيىن ىشكى ىستەر مينيسترلىگى كەيبىر جول-كولىك وقيعالارىنان كەيىن سالىنعان ايىپپۇلدار بارلىق جاعدايدا زاڭدى بولا بەرمەيتىنىن, ناقتى جاعدايعا قاراي ولاردىڭ جويىلۋى مۇمكىن ەكەنىن تۇسىندىرگەن بولاتىن.
نۇربولات امانبەك