اقش-تىڭ لۋيزيانا شتاتىندا بولعان قايعىلى وقيعادان 8 بالا كوز جۇمدى. تاعى ەكى ادام جاراقات العان, دەپ حابارلايدى Egemen.kz.
وقيعا 19 ءساۋىر كۇنى تاڭعى ۋاقىتتا شريۆپورت قالاسىندا تىركەلگەن. بەلگىسىز ەر ادام بىرنەشە جەردە – ءبىر كۆارتالدا ورنالاسقان ەكى ۇيدە جانە جاقىن ماڭداعى تاعى ءبىر ۇيدە وق اتقان.
قازا تاپقان بالالاردىڭ ەڭ كىشىسى – 1 جاستا, ۇلكەنى – 14 جاستا. الدىن الا مالىمەتتەر بويىنشا, قۇربانداردىڭ كەيبىرى قىلمىسكەردىڭ تۋىستارى بولىپ شىقتى.
استانادا پاتەردەن شىققان ورتتەن ءۇش بالا قازا تاپتى
جەرگىلىكتى بيلىك وكىلدەرىنىڭ حابارلاۋىنشا, وقيعادان كەيىن شابۋىل جاساعان ادام كولىك ۇرلاپ, قاشۋعا ارەكەتتەنگەن. الايدا پوليتسيا ونى ۇستاۋ بارىسىندا اتىپ ولتىرگەن.
شريۆپورت قالاسىنىڭ مەرى توم ارسەنو بۇل جاعدايدى قالا تاريحىنداعى ەڭ اۋىر تراگەديالاردىڭ ءبىرى دەپ اتادى.
قازىرگى ۋاقىتتا قۇقىق قورعاۋ ورگاندارى وقيعانىڭ بارلىق ءمان-جايىن انىقتاپ جاتىر.