ەلوردا پروكۋراتۋراسى قالالىق ەمحانادا بيۋدجەت قاراجاتىن جىمقىرۋ سحەماسىن اشكەرەلەدى. تەكسەرۋ بارىسىندا مەديتسينالىق ۇيىمنىڭ بۇرىنعى جەتەكشى قۇرامى ۇزاق ۋاقىت بويى ازاماتتاردى ەمدەۋگە ارنالعان بيۋدجەت قاراجاتىن زاڭسىز شىعارۋ سحەماسىن ۇيىمداستىرعانى انىقتالدى, دەپ جازادى Egemen.kz.
ولار قاراجاتتى جاقىن تۋىستارى مەن ۇلەستەس تۇلعالاردىڭ شوتتارىنا اۋدارىپ, جىمقىرۋدى زاڭدى قارجىلىق وپەراتسيالار رەتىندە بۇركەمەلەگەن. جىمقىرىلعان قاراجاتتىڭ ءبىر بولىگى قىمبات تۇرمىستىق تەحنيكا ساتىپ الۋعا, سونداي-اق يتالياعا تۋريستىك ساپارلاردىڭ اقىسىن تولەۋگە جۇمسالعان.
پوليتسيا ينۆەستيتسيالىق الاياقتىقتىڭ قاۋىپتى سحەمالارى تۋرالى ەسكەرتتى
قازىر مەملەكەتكە كەلتىرىلگەن جالپى زالال كولەمى 675 ملن تەڭگەدەن استى. اتالعان جاعداي بايلانىستى پروكۋراتۋرا ورگاندارى اسا ءىرى مولشەردە جىمقىرۋ دەرەگى بويىنشا سوتقا دەيىنگى تەرگەپ-تەكسەرۋدى باستادى. قىلمىستىق ءىس شەڭبەرىندە ەلوردا پروكۋراتۋراسىنىڭ ارنايى پروكۋرورلارى تەرگەپ-تەكسەرۋ جۇرگىزىپ جاتىر.
تاۋلىگىنە 690 دوللار تابىس: ەلەكتروساموكات ارقىلى جاسالعان الاياقتىق اشكەرە بولدى