استانادا LRT جەلىسى ىسكە قوسىلا سالىسىمەن كەلەسى كۇنى جەلىدە 30 مينۋتقا سوزىلعان تەحنيكالىق كىدىرىس تىركەلدى. بۇعان جولاۋشىلاردىڭ قاۋىپسىزدىك ەرەجەلەرىن بۇزۋى سەبەپ بولعان. وسىعان بايلانىستى كومپانيا وكىلدەرى جولاۋشىلارعا قاۋىپسىزدىك ەرەجەلەرىن ساقتاۋ قاجەتتىگىن ەسكەرتەدى, دەپ حابارلايدى Egemen.kz.
كومپانيا قىزمەتكەرلەرىنىڭ ايتۋىنشا, LRT جۇيەسى تولىق اۆتوماتتاندىرىلعان, سوندىقتان مۇنداي ارەكەتتەر جۇيە تاراپىنان قاۋىپ رەتىندە قابىلدانىپ, قوزعالىس اۆتوماتتى تۇردە توقتاتىلادى.
ء«بىر بيلەتپەن تەك ءبىر ادام عانا ءوتۋى ءتيىس, ەكى ادامنىڭ ءبىر تۋرنيكەتتەن بىرگە وتۋىنە تىيىم سالىنادى. مۇنداي ارەكەت تۋرنيكەت مەحانيزمىنىڭ زاقىمدانۋىنا نەمەسە جولاۋشىنىڭ جاراقات الۋىنا سەبەپ بولۋى مۇمكىن, دەيدى «بايتەرەك» بەكەتىنىڭ باسشىسى ەرمەك سىدىقوۆ.
كومپانيا بارلىق زاڭ بۇزۋشىلىقتار بەينەباقىلاۋ كامەرالارىنا جازىلاتىندىعىن حابارلادى. بۇل دەرەكتەر پوليتسياعا بەرىلىپ, كىنالىلەر زاڭ الدىندا جاۋاپقا تارتىلادى.
«LRT ىسكە قوسىلعاننان بەرى جولاۋشىلار سانى ارتىپ, 180 مىڭ ادامعا جەتكەن. ال كەشە ءبىر كۇندە 100 مىڭعا جۋىق جولاۋشى تاسىمالدانعان. بۇل جوبالىق وتكىزۋ مۇمكىندىگىنەن جوعارى كورسەتكىش», دەپ اتاپ وتكەن City Transportation Systems كومپانياسىنىڭ باسقارما توراعاسى اسىلبەك دۇيسەباەۆ جولاۋشىلاردى قاۋىپسىزدىك ەرەجەلەرىن ساقتاۋعا شاقىردى.
ەسكە سالا كەتەيىك, LRT جۇيەسى 16 مامىردان باستاپ ىسكە قوسىلدى. ال كەلەسى كۇنى جولاۋشىلاردىڭ قاۋىپسىزدىك ەرەجەلەرىن ساقتاماۋىنان جۇيە 30 مينۋتقا توقتاپ قالعان ەدى.