قازاقستان ۇلتتىق فۋتبول قۇراماسى جاڭارتىلعان حالىقارالىق فۋتبول فەدەراتسياسىنىڭ (FIFA) رەيتينگىندە ءوز پوزيتسياسىن جاقسارتتى. بۇل كورسەتكىشكە استانادا وتكەن FIFA Series تۋرنيرىندەگى ءساتتى ويىندار تىكەلەي اسەر ەتتى, دەپ حابارلايدى Egemen.kz.
رەيتينگتىڭ 1 ساۋىردە جاريالانعان جاڭا نۇسقاسىنا سايكەس, قازاقستان قۇراماسى 110-ورىنعا كوتەرىلدى. بۇعان دەيىن كوماندا بىرنەشە ساتى تومەنىرەك تۇرعان ەدى.
اتالعان تۋرنيردە تالعات بايسۋفينوۆ باپتايتىن ۇلتتىق قۇراما ەكى ماڭىزدى جەڭىسكە جەتتى:
ناميبيا قۇراماسىن 2:0 ەسەبىمەن جەڭدى; كومور ارالدارى كومانداسىن 1:0 ەسەبىمەن ۇتتى.داستان ساتپاەۆ الەمنىڭ ۇزدىك 50 جاس فۋتبولشىسىنىڭ قاتارىنا ەندى
وسى ناتيجەلەر قازاقستاننىڭ رەيتينگتە 112-ورىنعا كوتەرىلۋىنە مۇمكىندىك بەردى. كەيىن نيگەر مەن تانزانيا قۇرامالارىنىڭ تومەندەۋىنە بايلانىستى قازاقستان تاعى ەكى ساتىعا جوعارىلاپ, قازىرگى 110-ورىنعا تۇراقتادى.
ماڭىزدىسى, بۇل تۋرنير جولداستىق سيپاتتا بولعانىمەن, وندا مەدالدار مەن كۋبوك ساراپقا سالىندى. سونىڭ ناتيجەسىندە قازاقستان قۇراماسى FIFA Series ءتۋرنيرىنىڭ جەڭىمپازى اتانىپ, ءوز تاريحىنداعى العاشقى تروفەيىن جەڭىپ الدى.
«اتىراۋ» فۋتبول كلۋبى دا جەكەشەلەنەدى
بۇل جەتىستىك ۇلتتىق قۇرامانىڭ سوڭعى جىلدارداعى دامۋى مەن ويىن ساپاسىنىڭ جاقسارعانىن كورسەتەدى. ساراپشىلاردىڭ پىكىرىنشە, مۇنداي جەڭىستەر كومانداعا سەنىمدىلىك بەرىپ, حالىقارالىق ارەناداعى بەدەلىن ارتتىرا تۇسەدى.