مەملەكەت باسشىسى قاسىم-جومارت توقاەۆ سىبايلاس جەمقورلىقپەن كۇرەستى مەملەكەتتىك ساياساتتىڭ باستى باسىمدىقتارىنىڭ ءبىرى رەتىندە ايقىنداپ كەلەدى. 2026 جىلعى 26 ناۋرىزدا فرانتسيانىڭ ستراسبۋرگ قالاسىندا وتكەن ەۋروپا كەڭەسىنىڭ GRECO (سىبايلاس جەمقورلىققا قارسى كۇرەس جونىندەگى مەملەكەتتەر توبى) 102-ءشى پلەنارلىق وتىرىسىندا قازاقستان رەسپۋبليكاسى مەملەكەتتىك قىزمەت ىستەرى اگەنتتىگى ەلىمىزدەگى سىبايلاس جەمقورلىققا قارسى ساياساتتىڭ ىسكە اسۋ بارىسىن تانىستىردى. ەۋروپا كەڭەسىمەن قۇرىلعان GRECO ۇيىمىنا 51 مەملەكەت مۇشەلىك ەتەدى, ال قازاقستان رەسپۋبليكاسى اتالعان ۇيىمنىڭ تولىققاندى مۇشەسى بولىپ سانالادى, دەپ حابارلايدى Egemen.kz.
پلەنارلىق وتىرىستا اگەنتتىك توراعاسى دارحان جازىقباي قازاقستاندا GRECO ۇسىنىمدارىنىڭ ورىندالۋ دەڭگەيى, سىبايلاس جەمقورلىققا قارسى مادەنيەتتى قالىپتاستىرۋ جانە ەلدەگى جۇيەنى جەتىلدىرۋ باعىتىنداعى كەشەندى جۇمىستار تۋرالى باياندادى.
ءوز سوزىندە ول پرەزيدەنت قاسىم-جومارت توقاەۆتىڭ باستاماسىمەن جۇزەگە اسىرىلىپ جاتقان «حالىق ۇنىنە قۇلاق اساتىن مەملەكەت» تۇجىرىمداماسى اياسىنداعى اۋقىمدى ينستيتۋتسيونالدىق رەفورمالارعا توقتالدى. سونداي-اق, ەلىمىزدە سىبايلاس جەمقورلىقتىڭ الدىن الۋعا, وعان توزبەۋشىلىك قاعيدالارىن ورنىقتىرۋعا جانە ادالدىق ءپرينتسيپىن ەنگىزۋگە باعىتتالعان جاڭا مودەل كەزەڭ-كەزەڭىمەن ەنگىزىلىپ جاتقانىن اتاپ ءوتتى.
جەمقورلىقپەن كۇرەس: بيۋدجەتكە 100 ملن تەڭگەدەن استام قارجى قايتارىلدى
باياندامادا قارجىلىق تەرگەۋلەردى جەتىلدىرۋ, قۇقىق قورعاۋ ورگاندارى اراسىنداعى وكىلەتتىكتەردى ناقتى ءبولۋ, سونداي-اق سىبايلاس جەمقورلىق قۇقىق بۇزۋشىلىقتاردى تەرگەۋدە مامانداندىرىلعان قۇرىلىمداردىڭ ءرولىن كۇشەيتۋ ماسەلەلەرى كەڭىنەن قامتىلدى.
سونىمەن قاتار, ازاماتتاردىڭ شەشىم قابىلداۋ ۇدەرىسىنە قاتىسۋ مۇمكىندىكتەرىن كەڭەيتۋ, ۋاكىلدەر ينستيتۋتىن ەنگىزۋ, قوعامدىق كەڭەستەردىڭ الەۋەتىن ارتتىرۋ جانە قوعامدىق باقىلاۋ تەتىكتەرىن زاڭنامالىق تۇرعىدا بەكىتۋ باعىتىنداعى شارالار باياندالدى. پارلامەنت قاراۋىنا ەنگىزىلگەن بىرقاتار زاڭ جوباسىنا ەرەكشە نازار اۋدارىلدى.
قازىرگى ۋاقىتتا ەلىمىزدە سىبايلاس جەمقورلىققا قارسى ساياساتتى جەتىلدىرۋ ۇلتتىق ەرەكشەلىكتەر مەن حالىقارالىق ستاندارتتاردىڭ ۇيلەسىمىنە نەگىزدەلىپ, نەگىزگى باسىمدىقتاردىڭ ءبىرى رەتىندە ايقىندالىپ وتىر.
شىعىس قازاقستاندا ەكى ۆەدومستۆونىڭ لاۋازىمدى تۇلعالارى جەمقورلىقپەن ۇستالدى
GRECO ءىس-شاراسى اياسىندا دارحان جازىقباي ەۋروپا كەڭەسىنىڭ ادام قۇقىقتارى جانە قۇقىق ۇستەمدىگى جونىندەگى باس ديرەكتورى دجانلۋكا ەسپوزيتو جانە GRECO بيۋروسىنىڭ مۇشەسى, كيپر دەلەگاتسياسىنىڭ باسشىسى الەكسيا كاليسپەرامەن كەزدەستى. كەزدەسۋلەر بارىسىندا سىبايلاس جەمقورلىققا قارسى ساياساتتى دامىتۋ, GRECO ۇسىنىمدارىن ورىنداۋ بارىسىنداعى ءتيىمدى تاجىريبە الماسۋ جانە حالىقارالىق ىنتىماقتاستىقتى نىعايتۋ ماسەلەلەرى تالقىلاندى.