كوكشەتاۋدا Digital ناۋرىز ءوتتى

بيىل ءداستۇرلى مەرەكەلىك فورمات قازاق حالقىنىڭ مادەني مۇراسىن زاماناۋي تسيفرلىق شەشىمدەرمەن ۇشتاستىرىپ, تۇرعىندار مەن قوناقتارعا مۇلدە جاڭا فورماتتاعى مەرەكەلىك تاجىريبە سىيلادى.

جوبانىڭ نەگىزگى بولىگى Digital Auil الاڭىندا ۇسىنىلدى. جاعالاۋدىڭ 1,4 شاقىرىم اۋماعى تولىقتاي تەگىن Wi-Fi جەلىسىمەن قامتىلىپ, بۇل مەرەكەلىك كەڭىستىكتى جاي عانا مادەني الاڭ ەمەس, اشىق تسيفرلىق ورتاعا اينالدىردى.

مەرەكەنىڭ باستى نىساندارىنىڭ ءبىرى ارنايى ۇيىمداستىرىلعان VR-كيىز ءۇي بولدى. ۆيرتۋالدى شىنايىلىق كوزىلدىرىكتەرى ارقىلى كەلۋشىلەر ينتەراكتيۆتى تاريحي ساياحات جاساپ, ۇلتتىق بولمىستى تسيفرلىق فورماتتا تەرەڭىرەك سەزىنە الدى. كيىز ءۇي ىشىندە «ناۋرىزباي» اتتى جي-اۆاتار, ال سىرتقى الاڭدا «ناۋرىزاي» اتتى جي-اۆاتار جۇمىس ىستەدى. استانا قالاسىنىڭ تسيفرلاندىرۋ باسقارماسىمەن بىرلەسىپ ازىرلەنگەن تسيفرلىق اسسيستەنتتەر قوناقتارعا مەرەكەنىڭ تاريحى, مازمۇنى جانە باعدارلاماسى تۋرالى كەڭەس بەردى.

كەلۋشىلەردىڭ ەرەكشە قىزىعۋشىلىعىن تۋعىزعان تاعى ءبىر ايماق - AR جانە AI تەحنولوگيالارىنا نەگىزدەلگەن ينتەراكتيۆتى فوتوايماق. مۇندا قوناقتار ۇلتتىق كيىمدەردى ۆيرتۋالدى تۇردە كيىپ كورىپ قانا قويماي, جاساندى ينتەللەكت كومەگىمەن ناۋرىز ستيلىندە بەزەندىرىلگەن, قازاقى ناقىشتاعى دايىن تسيفرلىق فوتوسۋرەتتەر الا الدى.

مەرەكەنىڭ سپورتتىق بولىگىندە دە تسيفرلىق شەشىمدەر كەڭىنەن قولدانىلدى. العاش رەت «قوي كوتەرۋ», «ساداق اتۋ» جانە «ارقان تارتۋ» جارىستارىندا تورەشىلىك جاساۋ پروتسەسىنە كومپيۋتەرلىك كورۋ جانە نەيروجەلى تەحنولوگيالارى تارتىلدى. جۇيە قاتىسۋشىلاردىڭ قوزعالىسىن ناقتى ۋاقىت رەجيمىندە تالداپ, جارىستىڭ اشىقتىعى مەن ادىلدىگىن قامتاماسىز ەتتى.

سونىمەن قاتار الاڭدا ءوڭىردىڭ بىرقاتار تسيفرلىق جوبالارى تانىستىرىلدى. ۇلكەن ەكرانداردا درونداردىڭ بىرىڭعاي ينفراقۇرىلىمىنىڭ جۇمىسى تىكەلەي كورسەتىلىپ, ونىڭ وڭىرلىك باسقارۋداعى مۇمكىندىكتەرى ۇسىنىلدى. بۇدان بولەك, قوناقتارعا تەلەمەديتسينا, روبوتوتەحنيكا جانە وزگە دە زاماناۋي ءىت-شەشىمدەر كورسەتىلدى. بۇل Digital ناۋرىزدىڭ تەك مەرەكەلىك ەمەس, سونىمەن قاتار ءوڭىردىڭ تەحنولوگيالىق الەۋەتىن تانىتاتىن اشىق الاڭعا اينالعانىن كورسەتتى.

اقمولا وبلىسىنىڭ تسيفرلاندىرۋ جانە ارحيۆتەر باسقارماسى ءۇشىن بۇل باستامانىڭ نەگىزگى ماقساتى - زاماناۋي تەحنولوگيالاردىڭ ۇلتتىق داستۇرلەرگە قارسى ەمەس, قايتا ولاردى جاڭا فورماتتا تولىقتىرا الاتىنىن كورسەتۋ. Digital Auil جوباسى جاساندى ينتەللەكت, تولىقتىرىلعان شىنايىلىق, درون تەحنولوگيالارى جانە تسيفرلىق سەرۆيستەردىڭ مادەني ورتادا ناقتى قولدانىلۋىن ايقىن كورسەتەتىن بىرەگەي الاڭ بولدى.

ناۋرىز مەرەكەسىنە وراي ۇلتتىق ناقىشتا بەزەندىرىلگەن پويىزدار جولعا شىقتى

مەرەكەلىك ءىس-شارا اياسىندا جوبا الاڭىنا اقمولا وبلىسىنىڭ اكىمى مارات مۇرات ۇلى احمەتجانوۆ ارنايى بارىپ, VR-كيىز ءۇيدىڭ جۇمىسىمەن, تسيفرلىق شەشىمدەرمەن جانە ءوڭىردىڭ تەحنولوگيالىق جوبالارىمەن تانىستى. ءوڭىر باسشىسى مادەني ورتاعا جوعارى تەحنولوگيالاردى ەنگىزۋدىڭ, سونداي-اق حالىققا مەملەكەتتىك جانە تسيفرلىق سەرۆيستەردىڭ قولجەتىمدىلىگىن ارتتىرۋدىڭ ماڭىزدىلىعىن اتاپ ءوتتى.

شىمكەنتتە وتكەن «DamDastour» حالىقارالىق فەستيۆالى ناۋرىزدىڭ جارقىن وقيعاسىنا اينالدى