قالا پروكۋراتۋراسى اكىمدىكتەگى مەملەكەتتىك قىزمەتشىلەردىڭ قىزمەتتىك ادەپ نورمالارىن بۇزۋ فاكتىلەرىن انىقتادى, دەپ حابارلايدى Egemen.kz.
پاۆلودار وبلىسى پروكۋراتۋراسىنىڭ مالىمەتىنشە, لاۋازىمدى تۇلعالار زاڭنامالىق تىيىمعا قاراماستان بۋكمەكەرلىك كەڭسەلەردە بەلسەندى شوتتارعا يە بولعان. مىسالى, تكش, جولاۋشىلار كولىگى جانە اۆتوموبيل جولدارى ءبولىمىنىڭ سەكتور مەڭگەرۋشىسىنىڭ جەكە شوتى بويىنشا اينالىم 6,8 ملن تەڭگەنى قۇراعان.
«ۇقساس زاڭبۇزۋشىلىقتار اۋىلدىق وكرۋگ اكىمى, تۇرعىن ءۇي ينسپەكتسياسى ءبولىمىنىڭ باسشىسىنىڭ ورىنباسارى, سونداي-اق قالا اكىمدىگىنىڭ قۇرىلىمدىق بولىمشەلەرىنىڭ 7 قىزمەتكەرى تاراپىنان دا انىقتالدى», دەلىنگەن وبلىس پروكۋراتۋراسىنىڭ حابارلاماسىندا.
قىلمىستىق قۋدالاۋعا تارتىلعان مەملەكەتتىك قىزمەتشىلەردىڭ ۇلەسى 0,3%-عا قىسقاردى
قىزمەتتىك تەكسەرۋ ناتيجەلەرى بويىنشا بارلىق قۇقىقبۇزۋشىلىق فاكتىلەرى جونىندەگى ماتەريالدار پاۆلودار وبلىسى بويىنشا مەملەكەتتىك قىزمەت ىستەرى دەپارتامەنتىنىڭ ادەپ جونىندەگى كەڭەسىنە جولدانعان.
مەملەكەتتىك قىزمەتشىلەر تاراپىنان ادەپ نورمالارى مەن مىنەز-ق ۇلىق قاعيدالارىن ساقتاۋعا باقىلاۋدى ءالسىز جۇرگىزگەنى ءۇشىن قالا اكىمى اپپاراتىنىڭ جاۋاپتى باسشىسى تارتىپتىك جاۋاپكەرشىلىككە تارتىلىپ وتىر.
مەملەكەتتىك قىزمەتشىلەردىڭ قۇقىعى قالاي قورعالادى؟