الماتىدا ەكى كۇنگە كولىك قوزعالىسى شەكتەلەدى

الماتى قالاسى اكىمدىگىنىڭ مالىمەتىنشە, مەرەكەلىك ءىس-شارالاردى وتكىزۋگە بايلانىستى وماروۆ كوشەسىندە 20-21 ناۋرىز كۇندەرى اۆتوكولىك پەن قوعامدىق كولىكتىڭ قوزعالىسى ۋاقىتشا توقتاتىلادى. شەكتەۋ قاۋىپسىزدىكتى قامتاماسىز ەتۋ جانە مەرەكەلىك الاڭدى ۇيىمداستىرۋ ماقساتىندا ەنگىزىلىپ وتىر.

قالا بيلىگى تۇرعىندارعا باعىتتارىن الدىن الا جوسپارلاۋدى ەسكەرتىپ, ۋاقىتشا قولايسىزدىقتارعا تۇسىنىستىكپەن قاراۋعا شاقىردى.

ايتا كەتەيىك, بيىل الماتىدا ناۋرىز مەيرامى اياسىندا 200-دەن استام ءىس-شارا وتكىزۋ جوسپارلانعان. نەگىزگى مەرەكەلىك ورىندار رەتىندە استانا الاڭى, اباي الاڭى, جىبەك جولى داڭعىلىنىڭ جاياۋ جۇرگىنشىلەر ايماعى جانە پانفيلوۆ كوشەسى بەلگىلەنگەن.

ايتا كەتەيىك, الماتىدا ناۋرىز مەرەكەسىنە وراي 13-23 ناۋرىز ارالىعىندا «Nauryz Sale» اۋقىمدى مەرەكەلىك اكتسياسى وتەدى.