قازاقستان ساتىپ الۋ قابىلەتىنىڭ پاريتەتى بويىنشا الەمدەگى ەڭ ءىرى ەكونوميكالار رەيتينگىندە 36-ورىنعا جايعاستى. ساراپشىلار ەل ەكونوميكاسىنىڭ كولەمىن شامامەن 973 ميلليارد دوللار دەپ باعالاپ وتىر, دەپ جازادى Egemen.kz.
Visual Capitalist اناليتيكالىق جوباسىنىڭ دەرەگىنە سايكەس, ساتىپ الۋ قابىلەتىنىڭ پاريتەتى بويىنشا ەسەپتەلگەن جاھاندىق ەكونوميكانىڭ جالپى كولەمى 219,2 تريلليون دوللارعا جەتكەن. بۇل كورسەتكىشتىڭ جارتىسىنا جۋىعى ازيا ەلدەرىنىڭ ەنشىسىندە.
الەمدەگى ەڭ ءىرى ەكونوميكا كوشىن قىتاي باستاپ تۇر – شامامەن 43,5 تريلليون دوللار. ەكىنشى ورىندا 31,8 تريلليون دوللارمەن اقش ورنالاسسا, ءۇشىنشى ورىن 19 تريلليون دوللاردان اساتىن كورسەتكىشپەن ۇندىستانعا تيەسىلى. ال العاشقى وندىققا رەسەي, جاپونيا, گەرمانيا, يندونەزيا, برازيليا, فرانتسيا جانە ۇلىبريتانيا ەنگەن.
الەم ەكونوميكاسى 219 ترلن دوللاردان استى: ازيا كوش باستاپ تۇر
قازاقستان 973 ميلليارد دوللارلىق كورسەتكىشپەن 36-ساتىدان كورىندى. ەل بۇل تىزىمدە ەكونوميكاسى شامامەن 988 ميلليارد دوللاردى قۇرايتىن سينگاپۋر مەن 949 ميلليارد دوللارلىق كورسەتكىشكە يە رۋمىنيانىڭ ورتاسىندا تۇر. سونىمەن قاتار قازاقستان بىرىككەن اراب امىرلىكتەرى, نيدەرلاند, كولۋمبيا جانە وڭتۇستىك افريكا رەسپۋبليكاسى سياقتى ەلدەرمەن قاتارلاس ورنالاسقان.
حالىقارالىق قارجى ۇيىمدارىنىڭ باعالاۋىنشا, ساتىپ الۋ قابىلەتىنىڭ پاريتەتى كورسەتكىشى ءار ەلدەگى باعا دەڭگەيىن ەسكەرەتىندىكتەن, ەكونوميكالاردىڭ ناقتى كولەمىن سالىستىرۋعا مۇمكىندىك بەرەدى. ياعني بۇل ءادىس ەل ىشىندە بىردەي سوماعا قانشا تاۋار مەن قىزمەت ساتىپ الۋعا بولاتىنىن ەسەپكە الادى. سول ارقىلى ەكونوميكانىڭ شىنايى اۋقىمى مەن ءوندىرىس دەڭگەيىن ءدال كورسەتەدى.
ساننان ساپاعا كوشۋ – بيزنەستى وركەندەتۋدىڭ باستى شارتى
ورتالىق ازيا وڭىرىندە قازاقستان ەكونوميكالىق قۋاتى جاعىنان كوش باستاپ كەلەدى. ەل ءوندىرىس كولەمى مەن ەكونوميكالىق بەلسەندىلىك دەڭگەيى بويىنشا كورشى مەملەكەتتەردەن ايتارلىقتاي الدا تۇر.
وڭدەلگەن ءونىم ۇلەسى ارتىپ كەلەدى