قوستاناي. 14 تامىز. قوستاناي وبلىسىندا قىزىلشاعا قارسى قوسىمشا تاعى 20 مىڭ ادامدى ەگەتىن بولادى. ولاردىڭ قاتارىنا 15 پەن 19 جاستاعى جاسوسپىرىمدەر جاتادى. بۇل تۋرالى alau.kz-كە سىلتەمە جاساعان egemen.kz ءتىلشىسى حابارلادى.
ۇستىمىزدەگى جىلدىڭ 1 قازانىنان باستاپ, وبلىس وڭىرىندە قىزىلشاعا قارسى قوسىمشا ەگۋ جۇمىستارى باستالادى. وبلىستا 20 مىڭ جاسقا ەگۋ جۇمىسىن جۇرگىزۋ جوسپارلاندى. سوڭعى جىلدارى ەلىمىزدە قىزىلشاعا قارسى ەگۋ جۇمىستارى ۆاكتسينانىڭ ساپاسىنا كۇدىك كۇشەيگەندىكتەن توقتاتىلعان بولاتىن. بۇل جولى 15 پەن 19 جاس ارالىعىنداعى جاستار ەگىلەدى. وسى توپتاعى ادامداردان جىل باسىنان بەرى 66 قىزىلشا وقيعاسى تىركەلگەن بولاتىن.
تۇتىنۋشىلار قۇقىن قورعاۋ دەپارتامەنتىنىڭ باسشىسى ساۋلە بايمەنوۆا: «قىزىلشانى قۇرىقتاۋعا مۇمكىندىك بار. بىرىنشىدەن, قىزىلشانىڭ ۆيرۋسىن تاسيتىن باسقا تىرشىلىك يەسى جوق, ونىمەن تەك ادامدار اۋىرادى. ەكىنشىدەن قىزىلشاعا قارسى وتە ساپالى ۆاكتسينا اكەلىندى», – دەدى.
ءنازيرا جارىمبەتوۆا.
دەرەك, سۋرەت: alau.kz.