حالىقارالىق باقىلاۋشىلار قازاقستانداعى رەسپۋبليكالىق رەفەرەندۋمنىڭ جوعارى دەڭگەيدە ۇيىمداستىرىلعانىن اتاپ ءوتتى. بۇل تۋرالى تاجىكستان رەسپۋبليكاسىنىڭ ورتالىق سايلاۋ جانە رەفەرەندۋم كوميسسياسىنىڭ توراعاسى باحتيور حۋدويورزودا ءباسپاسوز كونفەرەنتسياسىندا مالىمدەدى, دەپ جازادى Egemen.kz.
ونىڭ سوزىنشە, حالىقارالىق باقىلاۋشىلار قازاقستانعا رەفەرەندۋمدى دايىنداۋ جانە وتكىزۋ پروتسەسىن باقىلاۋعا شاقىرعانى ءۇشىن العىستارىن ءبىلدىرىپ جاتىر.
«حالىقارالىق باقىلاۋشىلار قازاقستان تاراپىنا جاڭا كونستيتۋتسيانى قابىلداۋ بويىنشا رەسپۋبليكالىق رەفەرەندۋمدى دايىنداۋ جانە وتكىزۋ پروتسەسىن باقىلاۋعا قاتىسۋعا شاقىرعانى ءۇشىن العىس بىلدىرەدى. وسى باقىلاۋشىلاردىڭ پىكىرىن قولداي وتىرىپ, ءبىز قازاقستاننىڭ ورتالىق كوميسسياسىنىڭ رەفەرەندۋمدى وتكىزۋ بويىنشا كەڭ اۋقىمدى ۇيىمداستىرۋشىلىق جۇمىسىن ەرەكشە اتاپ وتكىم كەلەدى», دەدى حۋدويورزودا.
قىرعىزستان وسك توراعاسى: قازاقستانداعى رەفەرەندۋم جوعارى ازاماتتىق بەلسەندىلىكپەن ءوتتى
ول باقىلاۋشىلار داۋىس بەرۋدى دايىنداۋ بارلىق دەڭگەيدە قاداعالانعانىن اتاپ ءوتتى.
ء«بىزدىڭ باقىلاۋىمىز كورسەتكەندەي, رەفەرەندۋمدى دايىنداۋ جانە وتكىزۋ بويىنشا بارلىق دەڭگەيدەگى كوميسسيالار, ونىڭ ىشىندە قازاقستاننىڭ ورتالىق كوميسسياسى, ازاماتتاردىڭ رەسپۋبليكالىق رەفەرەندۋمعا قاتىسۋىنا تولىق جاعداي جاساۋ ءۇشىن اۋقىمدى جۇمىستاردى جۇرگىزدى. بۇل جۇمىس جوسپارلى جانە بىلىكتى تۇردە, رەسپۋبليكالىق رەفەرەندۋم وتكىزۋدىڭ نەگىزگى پرينتسيپتەرىنە ساي جۇزەگە اسىرىلدى», دەدى حالىقارالىق باقىلاۋشى.
ميانما باقىلاۋشىسى: قازاقستانداعى رەفەرەندۋم تاجىريبەسى – باسقا ەلدەرگە ۇلگى
ونىڭ سوزىنشە, رەفەرەندۋمدى ۇيىمداستىرۋ كونستيتۋتسيا مەن ەلدىڭ زاڭناماسىنا تولىق سايكەس وتكىزىلگەن.
«قازاقستان رەسپۋبليكاسىنىڭ كونستيتۋتسياسىنا جانە رەسپۋبليكالىق رەفەرەندۋم تۋرالى كونستيتۋتسيالىق زاڭىنا سايكەس, قازاقستان رەسپۋبليكاسىنىڭ ورتالىق كوميسسياسى وزىنە جۇكتەلگەن وكىلەتتىلىكتى ورىنداپ, ازاماتتاردىڭ ەرىكتى تۇردە داۋىس بەرۋگە قاتىسۋىن جانە داۋىس بەرۋ پروتسەسىنىڭ ايقىن بولۋىن قامتاماسىز ەتتى», دەدى ول.
سونىمەن قاتار, باقىلاۋشىلار داۋىس بەرۋ كۇنى بىرنەشە سايلاۋ ۋچاسكەسىنە باردى.
«بايتاق» پارتياسىنىڭ توراعاسى: كونستيتۋتسيا ەلىمىزدىڭ دامۋىنا بەرىك قۇقىقتىق ىرگەتاس قالادى
«15 ناۋرىزدا ءبىز استانا قالاسىنداعى بىرنەشە ۋچاسكەدە بولىپ, داۋىس بەرۋ پروتسەسىن باقىلادىق. ۋچاسكەلىك كوميسسيالاردىڭ رەفەرەندۋمدى وتكىزۋ جۇمىسى رەفەرەندۋمعا ەرىكتى قاتىسۋ جانە اشىقتىق پرينتسيپتەرىنە ساي بولدى», دەدى حۋدويورزودا.
ونىڭ سوزىنشە, قازاقستان ازاماتتارى داۋىس بەرۋگە ءوز قۇقىقتارىن ەركىن جۇزەگە اسىردى, ال رەفەرەندۋم حالىقتىڭ ەرىك ءبىلدىرۋىنىڭ كورىنىسى بولدى.