استانا. 26 ماۋسىم. رەسەيدىڭ بۇرىنعى پرەمەر-ءمينيسترى ەۆگەني پريماكوۆ ۇزاق ۋاقىتقا سوزىلعان دەرتتەن ايىعا الماي, 86 جاسقا قاراعان شاعىندا قايتىس بولدى. بۇل تۋرالى تاسس حابارلادى.
ەۆگەني پريماكوۆ – رەسەيدىڭ ديپلوماتيالىق, مەملەكەت جانە ساياسي قايراتكەرى. ول 1996-1998 جىلدارى اتالعان ەلدىڭ سىرتقى ىستەر ءمينيسترى, ال 1998-1999 جىلدارى پرەمەر-ءمينيسترى لاۋازىمىندا قىزمەت اتقاردى.
سونىمەن قاتار, ول شىعىستانۋشى جانە ارابتانۋشى بولدى. كسرو كەزىندە 1977 جىلدان 1985 جىلعا دەيىن شىعىستانۋ ينستيتۋتىنا جەتەكشىلىك ەتتى. 1980-جىلداردىڭ سوڭىندا كسرو جوعارعى كەڭەسىنىڭ دەپۋتاتى بولدى.
سونداي-اق, 1991-1996 جىلدارى پريماكوۆ سىرتقى بارلاۋ قىزمەتىن باسقاردى. 2000-2001 جىلدارى «وتەچەستۆو – ۆسيا روسسيا» پارتياسىنىڭ پارلامەنتتەگى فراكتسياسىنا جەتەكشىلىك ەتتى. ال 2001 جىلدان 2011 جىلعا دەيىن ول رەسەيدىڭ ساۋدا-ونەركاسىپ پالاتاسىنىڭ باسشىسى بولدى.
ەلامان قوڭىر.
دەرەك: تاسس.
سۋرەت: vesti.ru.