مەملەكەت باسشىسى قاسىم-جومارت توقاەۆ وتاندىق عىلىمنىڭ دامۋىنا زور ۇلەس قوسقان بىرقاتار عالىمدى مەملەكەتتىك ناگرادالارمەن ماراپاتتاۋ تۋرالى جارلىقتارعا قول قويدى, دەپ حابارلايدى Egemen.kz.
قاسىم-جومارت توقاەۆ شىعىستانۋ عىلىمىنا قوسقان ەلەۋلى ۇلەستەرى جانە فيلولوگيا سالاسىنىڭ قىتايتانۋ باعىتىن تەرەڭ زەردەلەپ, قازاق تاريحىنا قاتىستى تىڭ دەرەكتەردى جيناقتاۋعا, مادەني قۇندىلىقتارىمىزدى ناسيحاتتاۋعا, ەكى ەل اراسىنداعى تاريحي بايلانىستى نىعايتۋعا سىڭىرگەن ايرىقشا ەڭبەكتەرى ءۇشىن ر. سۇلەيمەنوۆ اتىنداعى شىعىستانۋ ينستيتۋتىنىڭ باس ديرەكتورى, فيلولوگيا عىلىمدارىنىڭ دوكتورى, پروفەسسور دۇكەن ءماسىمحان ۇلىنا ءىىى دارەجەلى «بارىس» وردەنىن, سونداي-اق عالىم, فيلولوگ اينۇر ابيدەنقىزىنا «قازاقستاننىڭ ەڭبەك سىڭىرگەن قايراتكەرى» قۇرمەتتى اتاعىن بەرۋ تۋرالى جارلىقتارعا قول قويدى.
وسى ورايدا پرەزيدەنت عالىمدارعا قۇتتىقتاۋ جەدەلحاتىن جولداپ, بۇل ماراپات ولاردىڭ ۇزاق جىلعى ىرگەلى ىزدەنىستەرى مەن تاباندى ەڭبەكتەرىنىڭ ناتيجەسى ەكەنىن اتاپ ءوتتى.
مەملەكەت باسشىسى بەلگىلى شىعىستانۋشىلاردىڭ وتباسىنا باق-بەرەكە جانە شىعارماشىلىق تابىس تىلەدى.
قاسىم-جومارت توقاەۆ دونالد ترامپتى «ارتەميدا-2» ميسسياسىنىڭ تابىستى ورىندالۋىمەن قۇتتىقتادى