قازاقستان فۋتبول فەدەراتسياسى ۇلتتىق قۇرامالارعا ارنالعان جاڭا ويىن فورمالارىن تانىستىردى. فەدەراتسيا مالىمەتىنشە, جاڭا جيىنتىقتى Adidas كومپانياسى UEFA-نىڭ UEFA Kit Assistance Scheme باعدارلاماسى اياسىندا دايىنداعان, دەپ جازادى Egemen.kz.
جاڭا كيىم ۇلگىسى ۇيدەگى ويىندارعا (سارى ءتۇستى) جانە سىرت الاڭداعى (كوك ءتۇستى) كەزدەسۋلەرگە ارنالعان ەكى جيىنتىقتان تۇرادى. قازاقستان قۇراماسى اتالعان باعدارلاما اياسىندا Adidas كومپانياسىنان فورما العان ەۋروپانىڭ ون ۇلتتىق قۇراماسىنىڭ قاتارىنا ەندى. ۇلتتىق قۇرامالار جاڭا فورمامەن الداعى ەكى جىل بويى ونەر كورسەتەدى.
فۋتبولدان الەم چەمپيوناتى: يران قۇراماسىنا قاتىستى ناقتى شەشىم جاريالاندى
UEFA Kit Assistance Scheme – ۇلتتىق قاۋىمداستىقتاردى قولداۋعا باعىتتالعان جانە ولاردىڭ قاجەتتىلىگىنە ساي زاماناۋي سپورتتىق كيىممەن قامتيتىن باعدارلاما. سونىمەن قاتار, قاتىسۋشىلارعا Adidas Locker Room سەرۆيسى دە قولجەتىمدى. بۇل جۇيە ارقىلى جەكە ديزاينداعى ەكيپيروۆكالاردى ازىرلەۋگە جانە تاپسىرىس بەرۋگە بولادى.
«توتتەنحەمنىڭ» بۇرىنعى ديرەكتورى قازاقستان فۋتبول فەدەراتسياسىنىڭ باس حاتشىسى بولىپ تاعايىندالدى
ۇلتتىق قۇرامانىڭ جاڭا فورماداعى العاشقى ماتچى ماۋسىمدا وتەدى. قازاقستان قۇراماسى جولداستىق كەزدەسۋ وتكىزىپ, ارمەنيا جانە ۆەنگريا قۇرامالارىنا قارسى الاڭعا شىعادى.