استانادا وتباسىلىق جانجال ۆيدەوعا ءتۇسىپ قالدى. كادرلاردا ەر ادامنىڭ ايەلىن اياۋسىز سوققىعا جىققانى انىق كورىنەدى. بۇل تۋرالى ەلوردا پوليتسياسى مالىمدەپ, كۇدىكتىگە قاتىستى قىلمىستىق ءىس قوزعالعانىن حابارلادى, دەپ جازادى Egemen.kz.
وقيعا ەلورداداعى «سارجايلاۋ» تۇرعىن ءۇي كەشەنى ماڭىندا بولعان. كۋاگەرلەر تۇسىرگەن بەينەجازبادا ەر ادامنىڭ جانىندا تۇرعان ايەلدى بىرنەشە رەت بەتى مەن دەنەسىنەن ۇرىپ-سوققانى بايقالادى. وقيعا كۋاگەرلەرى دەرەۋ پوليتسيا قىزمەتكەرلەرىن شاقىرعان.
اۋلادا ايەلىن ۇرعان پاۆلودار تۇرعىنىنىڭ جەكە باسى انىقتالدى
استانا قالالىق پوليتسيا دەپارتامەنتىنىڭ حابارلاۋىنشا, وتباسىلىق-تۇرمىستىق جانجال فاكتىسى بويىنشا قىلمىستىق ءىس تىركەلگەن. كۇدىكتى ۇستالىپ, پوليتسيا بولىمىنە جەتكىزىلدى.
«ەلورداداعى تۇرعىن ۇيلەردىڭ ءبىرىنىڭ ماڭىندا 34 جاستاعى ەر ادام جۇبايىنا كۇش قولدانعان. قازىر ول ۋاقىتشا ۇستاۋ يزولياتورىنا قامالدى», دەلىنگەن رەسمي اقپاراتتا.
سونداي-اق پوليتسيا كۇدىكتىگە قاتىستى جابىرلەنۋشىمەن بايلانىس ورناتۋعا تىيىم سالعان.