قازاقستان پرەزيدەنتىنىڭ وزبەكستانعا جۇمىس ساپارى بۇحاراداعى باحاۋددين ناقىشباندي كەسەنەسىنە زيارات ەتۋدەن باستالدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەتتەر باسشىلارى مەدرەسە, ەكى مەشىت پەن مۇنارادان تۇراتىن مەموريالدىق كەشەندى ارالاپ كوردى. زيارات بارىسىندا قۇران وقىلىپ, باۋىرلاس حالىقتارعا بەيبىت ءومىر مەن باق-بەرەكە تىلەپ, دۇعا جاسالدى.
قاسىم-جومارت توقاەۆ پەن شاۆكات ميرزيوەۆ مەموريالدىق كەشەنگە كەلۋشىلەرمەن جىلى راۋىشتە اڭگىمەلەسىپ, سۋرەتكە ءتۇستى.
ناقىشبانديا تاريقاتىنىڭ نەگىزىن سالۋشى باحاۋددين ناقىشبانديدىڭ كەسەنەسى XVI عاسىردا سالىنعان.
مەملەكەت باسشىسى قاسىم-جومارت توقاەۆ وزبەكستانعا جۇمىس ساپارىمەن باردى
ەسكەرتكىش جانىنداعى مۋزەيدە XIX عاسىرداعى قۇران قولجازباسى, تاريحي قۇجاتتار, كىتاپتار مەن باسقا دا قۇندى جادىگەرلەر ساقتالعان.